كل هذا العفن

الارزاق بيد الله .... مفيش بني ادم ممكن ياخد رزقك

------------------------------------------------

متولي: حضرتك انا طبيب بشري , يعني مش بكشف على كلاب!!! مفهمش فيها

السنيورة: الكلب عنده برد ... يكح و يعطس .... انت مش تفهم؟ اكتب الدوا اللي تكتبه للبني ادم عادي

متولي: ما ينفعش حضرتك ... الدوا دا غير دا... الحيوان غير الانسان... و ادويتهم مختلفه

السنيورة: و الله يا دكتور احيانا الجيوان يفهم اكترمن الانسان.....اقولك اكتب دوا البرد بتاع الانسان و خلاص.... انت عارف انا ابقى مين؟ فاهم و الا ما تفهمش؟

متولي: افهم يا هانم افهم.... و ادي الدوا اهه... و سلميلي على لولو يا هانم

الصدق منجي ... و المسلم لا يكذب

----------------------------------

متولي: بص يا حبيبي المدرس دا موجه في المديريه , و عارف اسئلة الامتحانات اللي جايه , عاوزك تحلها كلها معاه

الابن: حاضر يا بابا

متولي: و عاوزك لو جاتلك حاجه مش عارفها في الامتحان تحاول تتصرف ... زميلك , زميلتك... لازم تجيب درجات عاليه

الابن: حاضر يا بابا

الرشوة حرام ... الراشي و المرتشي و الرائش في النار

---------------------------------------------------

متولي: بصي يا بنت الحلال احنا لازم نلاقي حد يدخلنا الواد الكلية العظيمه دي. لازم نشوف مين بيقبض

الزوجه: كتير كتير يا متولي ... بس المشكله انهم بياخدو فلوس كتير ... و لازم تعرف تدي لمين اصلا عشان ميضحكش عليك

متولي: احنا نعمل اللي علينا و الباقي على ربنا.... يعني الواد لما يتخرج من الكليه دي هيبقى باشا  و... و هينفع نفسه و هنلاقي حد 

نتسند عليه... بس

الطيبون للطيبات ... اظفر بذات الدين ... تخيرو لنطفكم
-----------------------------------------------------

متولي: لا يابنت الحلال العريس دا مينفعناش... ممعهوش ... و اللي ممعهوش ميلزموش

الزوجه: بس بنتك بتحبه و مش بتحب قريبك التاني دا.... و اهو محترم و سيرته ممتازه ... لكن قريبك دا عارفين انه هلاس و ملوش الا في التهجيص

متولي: لكن من عيله كبيره و غنيه ... و هيتاقل بنتك بالدهب!!! عاوزانا نرمي بنتنا للتاني دا و يشحططها معاه؟

الزوجه: لا يا اخويا و يشحططها ليه... خلينا مع الجاهز ... و بكره الجواز يعدله

متولي : توكلنا على الله

مملكة الحمير

حكايتنا يا محترم حكايه من دنيا الحمير

كان فيها  حصان و حمار و كلب و فوقيهم ضبع و فيل وكمان خنزير

غريب عجيب خنزيرملك ووراه الضبع غفير!!
 اما الفيل يا سلام على طلته كان الحرس و سبحانه كان برضه الأمير.

الخنزيرنغنغ و انتعش 30 سنه و على كل الدواب فرض المصير.

في عهده الضباع اتوحشت و نهشت لحم الغني ويا الفقير.

تفتكرالحمير اتململت؟ اتحركت؟ اتمنعت؟ ابدا دي قالت احنا المشكله... سيبك انت طول عمر الحمير حمير.

 الخيل قامت بعد سنين استأسدت , رفضت الظلم من الملك و الامير

ووراها و يالعجب قامت الكلاب و كأنما نبت فيها حتة من الضمير. 

و في ساعه عمي الوحوش عن القدر ولقو القرار صعب و خطير.

اتفقو بعد العلام يسلمو اللجام للفيل الوزير..

جت الخيول تعترض..العدل..العدل .. نهقت حمير كتير

 قامت الكلاب و هبهبت و كانت النتيجه خدت من الفيل جزء من السرير

و مع ان الثوره يا محترم ثورة حصان اصيل..ركبها الكلاب و الرأي كان للحمير

لا تنزعج لا تعترض ... الديمقراطيه حكم الاغلبيه حتى لو كانو حمير..

مش محتاج اقول ان الكلاب اتملعنت .. برضه كلاب و تعشق من العيش الحقير.

قام الفيل و خلفه الضباع .. هش الكلاب برضه الكبير كبير

طبعا حمير من غير عقول هللت .. الفيل جاي و بقوته واستبشرت بخير وفير..

و لما الخيول صهلت خديعه  خديعه ... ملقتش ودن و لا تبرير

من الاول رضت بالهزيمه و لم تكمل طريق النور للأخير

و رجعت الحياة كرب و حزينه ..فكرك حست على دمها حمير؟

دا دأبها خانعه للهزيمه .. هو انت كنت فاكرها هتطير؟

اللي طار هنا ارواح عظيمه رفضت تقبل الوضع المرير

و القصه عارفها حزينه بس صدقني الحقيقه اسود كتير.

الشخصية البرميليه - the barrel personality

غير محدد الملامح

سهل ان يتدحرج في طريق الارجل .. بل انه يفضل ان يركل قهرا ..على ان ينقل حبا و كرامه

ليس فارغ ,  لأنه يحرص ان يحوي شيئا, اي شيء !!  و لذلك عندما تقرعه يصدر صوتا عاليا جدا ينبع من المسافه بين الامتلاء و الخواء ... صوتا مزعج دائما !! , غير مبرر غالبا !! , غير مفهوم احيانا 

ما يحويه مزيج .. غير مرتب .. غير موجه .. و لكنه متدفق ... متكرر ... .. لا يؤثر في اتجاه دحرجته و لكن يصعب من حمله لو عاملته باحترام

حمول ... صبور ... ثقيل... ذلك مهم لبقاءه, لأنه غير مميز ... غير موهوب .. فأسلحته في مواجهة الحياة .. هي الجبن الحكيم و الصبر الحليم و المداهنه الابديه لكل صاحب سلطه او علويه

الشخصيه البرميليه
-------------------------

ill defined  shape
easily rolls in the way if kicking feet, it even prefers being forced humiliatingly than being persuaded to move in dignity.
Not empty, because it makes sure that it contains something,,,, anything ... that's why when you interact with it it has a really loud sound that originates from the space  rather than the content,   actually a very annoying sound , unexplained most of the time , incomprehensible some of the time.
It contains a mixture,  unorganized , out of harmony , out of direction, but flowing, consistent .... not affecting its direction rather affects the  your effort if you tried to move it respectful.
patient, heavy, enduring ... because that's vital for its survival, because its  untalented ,  not  special or gifted, its most important weapons in life is 'wise' Cowardliness and sweet talking anyone in 
power or position.


the barrel personality

لو علمتم الغيب لأخترتم الواقع

كنا في يوم من الايام بلد كفاءات

كان لنا هدف و موقف

وكان العامل و التاجر و العالم و المهندس و الطبيب و غيرهم و غيرهم يعملون بجد لأنفسهم و لبلدهم

ساء الحال و اصبحنا بلد شهادات و بدأنا نتفنن في السخريه من اصحاب الشهادات التي لا تساوي شيئا و ذلك لأن حاملها في الحقيقه لا يستطيع المنافسه في سوق العمل و ذلك لبعدها عن الواقع العملي او لسوء العمليه التعليميه من الاساس و كنا نترحم على بلد الكفاءات

الآن اصبحنا بلد هيافات.... و لا تخطئ ارجوك و تعتبرها جمع هيفاء .... و لكن هيافات من الهيافه و التفاهه و السطحيه

اصبحت المثل العليا هي لاعب الكوره و المغني و الراقص و و
انا لا اقصد الانتقاص من اصحاب هذه المهن فهي مهن مهمه للترفيه عن أمه عامله تتعب و تشقى و تبدع و تنتتج ثم بعد ذلك تبحث عن التسليه لكي تجدد النشاط و تصفر العداد لتستطيع المواصله !!!!
اما ان تكون هذه النشاطات و هذه المهن هي الغايه و الهدف... او ان تكون بالاحرى وسيله للبعد عن الهدف.... او تخدير الشعور العام ليفقد الاحساس بالاتجاه و الهدف

فعندها فعلا نكون قد اصبحنا بدل هيافات بصحيح
و يا ليتنا حتى بقينا بلد شهادات ......