American Sniper - الفخر بالقذارة

القتل يورث ابا عن جدا .... و يغرس في النفس القسوة و البرود

الزوج الثاني

الحمد لله 

مستوايا المادي و الاجتماعي بقى ممتاز

بعد سنين التعب و الشقى حياتي استقرت.

الواحد وصل منتصف العمر لكن الصحه تمام.

مش ندلع بقا؟

المدام , أم العيال على عيني و راسي و كل طلباتها مجابه. رفيقة الكفاح و مقدرش استغنى عنها.

الواحد مش هيعمل حاجة تغضب الله , و ان شاء الله كله على سنة الله و رسولة. 

عصفورة رقيقه كدا تدلع الواحد و يشوف معاها يومين في الجنه. 

نسمة رطبه بدل الجو الجامد اللي الواحد عايش فيه ليل و نهار.

واحدة تكون عاقله , و عاوزه راجل خبرة و جاهز مش شباب اليومين دول اللي ميعرفوش اصلا يعني ايه جواز و استقرار!!!! او لسه بيكونو نفسهم و يمرمطو بنات الناس معاهم!!!

توكلنا على الله

الحمد لله 

مستوايا المادي و الاجتماعي بقى ممتاز

بعد سنين التعب و الشقى حياتي استقرت.

 الواحده وصلت منتصف العمر لكن الصحه تمام, الجمال تمام, محافظه على نفسي و يمكن أكتر

مش ندلع بقا؟

الراجل ابو  العيال , زوجي العزيز على عيني و راسي. و هنفضل اصحاب بعد الطلاق.

مقدرش استغنى عنه في تربية الاولاد اللي بينا ...

الواحده مش هتعمل حاجة تغضب الله ,  طلاق و بعدين جواز ان شاء الله كله على سنة الله و رسولة. 

شاب جامد كدا  و لسه بشوكه يدلع الواحد و يشوف معاه يومين في الجنه. 

نسمة رطبه بدل الجو الجامد اللي الواحد عايش فيه ليل و نهار.

واحد يكون عاقل , و عاوز ست خبرة و جاهزه مش بنات اليومين دول اللي ميعرفوش اصلا يعني ايه جواز و استقرار!!!! او لسه بيكونو نفسهم و يتمرمطو  !!!

توكلنا على الله
---------------------------------------------------------------------------

.

.

.

.

الحوار اللي في النص الاول معروف .... تقليدي .... مجتمعنا بيتعرف عليه و الناس توافقه احيانا و تلعنه احيانا على حسب مكانها في المجتمع و نوعها و شخصيتها. الحوار اللي في النص التاني مش تقليدي .... و قد يكون حاليا الناس في مجتمعنا بيلعنه او عالاقل بيتحفظ عليه (الكائنات الفيمينست يمتنعون) لكن في رأيي دا عين العدل ... اذا كنت هتلعن الحوار الاول لازم تلعن التاني .... و اذا كنت هتتفهمه لازم تتفهم التاني .... الاتنين مبيعملوش حاجه حرام .... عشان نخرج من دايرة اللغط في الشرع .... بس الاتنين بيسددو ضربه في الغالب موجعه لشريك الرحله . و اذا فكرت انك تعمل كدا ... لازم تبقى عارف ان العكس ممكن يحصلك .... لو راجل قد يكون الموقف مازال أقل احتمالا من شريكة حياتك .... بحكم التقولب الي بيزرعه المجتمع في الست حتى الان ... بس عالاقل حط نفسك مكانها او خليك عارف ان القوالب المجتمعية اللي بتحميك نفسيا دي مش أكيد هتدوم ....

 للجميع ... خليك مخلص و بلاش فراغة عين

كل هذا العفن

الارزاق بيد الله .... مفيش بني ادم ممكن ياخد رزقك

------------------------------------------------

متولي: حضرتك انا طبيب بشري , يعني مش بكشف على كلاب!!! مفهمش فيها

السنيورة: الكلب عنده برد ... يكح و يعطس .... انت مش تفهم؟ اكتب الدوا اللي تكتبه للبني ادم عادي

متولي: ما ينفعش حضرتك ... الدوا دا غير دا... الحيوان غير الانسان... و ادويتهم مختلفه

السنيورة: و الله يا دكتور احيانا الجيوان يفهم اكترمن الانسان.....اقولك اكتب دوا البرد بتاع الانسان و خلاص.... انت عارف انا ابقى مين؟ فاهم و الا ما تفهمش؟

متولي: افهم يا هانم افهم.... و ادي الدوا اهه... و سلميلي على لولو يا هانم

الصدق منجي ... و المسلم لا يكذب

----------------------------------

متولي: بص يا حبيبي المدرس دا موجه في المديريه , و عارف اسئلة الامتحانات اللي جايه , عاوزك تحلها كلها معاه

الابن: حاضر يا بابا

متولي: و عاوزك لو جاتلك حاجه مش عارفها في الامتحان تحاول تتصرف ... زميلك , زميلتك... لازم تجيب درجات عاليه

الابن: حاضر يا بابا

الرشوة حرام ... الراشي و المرتشي و الرائش في النار

---------------------------------------------------

متولي: بصي يا بنت الحلال احنا لازم نلاقي حد يدخلنا الواد الكلية العظيمه دي. لازم نشوف مين بيقبض

الزوجه: كتير كتير يا متولي ... بس المشكله انهم بياخدو فلوس كتير ... و لازم تعرف تدي لمين اصلا عشان ميضحكش عليك

متولي: احنا نعمل اللي علينا و الباقي على ربنا.... يعني الواد لما يتخرج من الكليه دي هيبقى باشا  و... و هينفع نفسه و هنلاقي حد 

نتسند عليه... بس

الطيبون للطيبات ... اظفر بذات الدين ... تخيرو لنطفكم
-----------------------------------------------------

متولي: لا يابنت الحلال العريس دا مينفعناش... ممعهوش ... و اللي ممعهوش ميلزموش

الزوجه: بس بنتك بتحبه و مش بتحب قريبك التاني دا.... و اهو محترم و سيرته ممتازه ... لكن قريبك دا عارفين انه هلاس و ملوش الا في التهجيص

متولي: لكن من عيله كبيره و غنيه ... و هيتاقل بنتك بالدهب!!! عاوزانا نرمي بنتنا للتاني دا و يشحططها معاه؟

الزوجه: لا يا اخويا و يشحططها ليه... خلينا مع الجاهز ... و بكره الجواز يعدله

متولي : توكلنا على الله

رسائل موجهه

عزيزي الليبرالي
اعرف مدى كرهك للاخوان ... كونهم نظام هرمي يعتمد على السمع و الطاعه و ينافي كل ديمقراطيات العالم و اسس الحريه التي تنادي بها. وعارف انهم لم يدخرو غباء لكي يوفرو لك و لغيرك اسباب كراهيتهم و عوامل تساعدك على اسقاطهم . بس وحياة والدك فوق بقا!!!!! خلاص الاخوان بح ... حتى لو هما مستمرين في غباءهم لدرجة انهم مش مدركين كدا ... هما بيصدقو قيادتهم اللي كل شويه يقولو الانقلاب يترنح ... هيلا هيلا ... صلي على النبي ...بس انت ايه بقا؟ .....ها اهبل؟.... و الا بتستهبل ؟!!؟ كل ممصيبه جديده تحصل ... او الوحل اللي كلنا بنتنفسه دلوقتي يزيد ... الاقيك تشتم في الاخوان و تقول منهم لله و اللي عملوه فينا ... انت عارف و انا عارف ان مش هما بس اللي غلطو ... فوق و دور  على حلول لدلوقتي ...مش تعمل نفسك ميت عشان عارف انها خلاص الليفل الاخير و معدشي فيه تهييص من غير تمن .... انت في ليفل الوحش ... و هتلعب يعني هتلعب ... ابدأ و بطل جبن


-------------------------------
عزيزي الاخواني ...
انت اتربيت غلط ... اول متعترف لنفسك الاعتراف دا .. صدقني هتستريح قوي ... انت لازم تربي نفسك من جديد ... و تستفاد من اخطاءك .. و تبطل تبقا ممسحة اقدام لكل نظام جديد عاوز يدخل على الشعب المصري بعد مياخد منكو غرضه و يرميكو زي ال..... معلشي ... انت طماع ...و فاشي ... استنى بس متزعلشي ... مقصدشي انت ... اقصد اللي رباك ..... يووووه برضه هتزعل ... معلشي ... يا بخت من بكاني ... ايوه النظام الاخواني فاشي ... بيتاجر بالدين ... و كل الشعارات و الاخلاقيات اللي بتتربو عليها جوفاء ... طالما قايمه على اساس انكم تضحكو على الناس اللي انت شايفينها في مرتبه اقل عقليا او روحيا عشان تتمكنو من حكمهم ... الاصلاح للاصلاح ... و اللي هينضف هو اللي هيجيب حد نضيف يحكمه ... منه ... مش لازم يكون منكم او زيكم ... لكن المهم يكون نضيف و من الشعب و للشعب ... و بالحريه مش
بالاجبار .....

شطرنج الحياة - Life Chess

الجندي: في المقدمه ... منه كثير ... بيتحرك كتير ... يستخدم في الصد و الهجوم ايضا ... يمكن التضحيه به بسهوله ... ليس محوريا كفرد في اللعبه.

الملك: في الصفوف الخلفيه ... واحد ... لا يتحرك كثيرا و لا يظهر كثيرا ... لا يدخل في المعركه الا عندما تصبح حياة او موت ... ضياعه يعني انتهاء المعركه لأنه محورها.

بين الملك و الجندي قطع عديده .... قد تكون اكثر حركه من الجندي و الملك .. و لكنها ليست برخص الجندي و لا اهمية الملك 

.
The pawn is in the front. There is many pawns. They are moved around a lot. Used both in attack and defence. Can be easily sacrificed. as a single piece not important in the game.
The king is alway in the back most line. There is only one king. The king does not move a lot nor visible in many occasions. The kings enter the battle only when its a life or death move. Checkmate is the end of the game , because it is all about the King.
Between the King and the pawn there is a variety of pieces. These pieces may have a range of movement which is wider than a pawn or a king, but they are not as cheap as a pawn or as important as a King.

-------------------------------------------------------------

لا تقبل ان تكون احد الجنود الرخيصه ... الخيار لك

لا تغتر بسعة حركة بعض القطع ... الملوك لا تراهم الا في نهاية اللعبه و لا يتحركون كثيرا

شطرنج الحياة قواعده غير ثابته و غير عادله .... على الأقل في الحياة .... العب لتكسب فقط

- do not accept to be one of the cheap pawns, its your choice.
- do not be misdirected by the wide range of movement of some of the chess pieces, because kings are only seen at the end of the game and they move very little.
- Life chess rules are not fixed nor fair, at least in life, play only to win.

عز الدين فشير - فيلسوف النظام

راجع مقال الاخر من هنا

قوراب النجاه --- و ليست سفينة نوح ... و في قول اخر كل واحد يبدأ بنفسه ... و في قول اخر العيب فينا و لو كل واحد صلح نفسه البلد هتتصلح ... و في قول اخر اعمل انت اللي عليك و اجتهد و البلد هتتصلح ..... كلام ليس جديد ... بل هو نفس الكلام الذي بنى عليه الفساد المصري في ال60 عاما دولته .... انها نظرية فرق تسد حتى النخاع .... مهما كنت ابيض و ناجح و قوي ماذا تفعل اذا تم رميك في بحيره آسنه من السواد و الفشل و الفساد .... و هل يستطيع النظام التحكم بك لو كنت اصغر منفرد ... ام ان كنت اكبر في مجموعه؟ ان السبب الرئيسي لثورة 25 يناير هو التواصل الذي تم بين المصرين عبر شبكات التواصل الاجتماعي و أدى الى توحيد الوعي الجمعي الى هدف واحد. لذلك كانت خطيئة اخلاء الميدان في الحقيقه هي تفتيت هذا الوعي .... لذلك كل مافعله النظام في الالتفاف على الثوره هو ببساطه ... فرق تسد .... اعزل .... غير الوعي لاتجاه اخر .... حتى نادت جماهير على ابن خالتها لينقذها من زوجها الغبي.

اكل الخرا غيه !!!!

الاب البسيط كان من الحرافيش ,و الفقر خلاه ياكل خرا لجل العيال متعيش.

 زق ابنه و اتحمل الذل و هوان العيش ,لجل يطلع فوق مع شلة الناس ام ريش .

 حضرة الابن بقا في مكان محترم و الفلوس معدتشي هيا المشكله .

 و للأسف, اسلوبه في الحياه صبح : عشان تعيش مرضي عنك لازم تاكل خرا
 . حاولو بعض الشباب يغيرو الواقع , مالخرا و اكله زهقو و لا حدش سامع.

 انتفض حضرة المحترم و قال ايه ماله الخرا؟!!!؟ كلناه طول عمرنا فقرا , و دلوقتي بناكله برضه بس العيشه ميسره . صدقوني اكل الخرا دا مزاج مش اي خد يقدره. و كل واحد لازم يمشي طريق الخرا و مفيش منتهاه.

حضرة المحنرم ابوه نسى يعلمه ان اكل الخرا مش اسلوب حياه , دا اضطرار و لما الحاله تتعدل لازم تغيره . و لازم كمان
 مترضهوش لغيرك و تحاول تساعد الفقرا تعيش بعيد عن الخرا. لكن تقول لمين عقل مليان .......1

free your mind

يحدث في مصر

انخع حتى اراك .... و اجيبك من على الحيطه بالشبشب

الفكره القويه لا تحتاج لمعجزه لأنها بذاتها تتحدى الانكار. لذلك كلما حاول احدهم تمرير فكره اليك من خلال معجزه او كرامه او ظاهره خارقه فتوقع في  90% من الاوقات ان فكرته ضعيفه او انه على الاقل غير مؤمن بقوتها و صلاحيتها لذلك احتاج ان يلفها لك في غلاف مزركش من الخرافه حتى تبتلع به الفكره دون ان تدرك لبها. 

الرئيس المؤمن, على سبيل المثال و ليس الحصر . الرئاسه منصب اداري في اساسه و لكنه يقترب من السياسه كلما قل ترتيب الدوله  في سباق الامم . اذا لم يكن هذا الشخص مؤهلا فعليا للأداره او كان ضعيفا في السياسه فلابد ان تجد له غلافا مزركشا لكي تبتلعه

الجماهير. و الكل يعرف كيف اننا شعب "متدين !!! " بطبعه. او كما قالو

السيطره على الثوره و دور أحصنة طرواده

السيطره على الأشخاص ذوي الانتماءات سهل. أي تنظيم او جماعه اومجموعه ممكن اختراقها بالصبرو العمل ثم يتم توجيهها بطرق مختلفه تبعا لطبيعة الجماعه او قوانين التعامل فيها.

قد تتراوح هذه الطرق بين السيطره من القمه في جماعات هرميه او السيطره المبنيه على ضغط النظير في الجماعات المتسلسله.

المشكله دائما في اللامنتمي. سواء كان قليل الوعي و ضحل التفكير او كان مفكرا يرغب ان يصل للحقيقه بناءا على قرار مستقل.

الاول اسهل, الاعلام يتولى ذلك مستخدما نظرية اكذب ثم اكذب ثم اكذب حتى يصدقوك او كما قال المثل الشعبي . (الزن على الودان أمر من السحر) بعدها يصبح هذا الشخص الضحل ارضا خصبه لتزرع فيها ما تريد من الافكار او حتى التحركات التي يعتقد انها مبنيه على حقائق و افكار و تدبرات تكرم كل بوق من الشخصيات الاعلاميه بالتفكير فيها لسيادته و استشهد اثناء ذلك بمجموعه منتقاه من عرائس الماريونت التي اختيرت حتى تلبي كافة الاذواق و لكن توصل رسالة واحده فقط ... التي يريدها من يملكهم. و يملكهم هنا كلمه دقيقه جدا. في هذا العالم الذي نعيش فيه ارجو ان لاتكون يا صديقي لو كنت ممن يبلغ بهم السذاجه ان تصدق ان هناك من اساطين الميديا الذين يرتبطون بعلاقات مباشره (او احيانا يكونون هم نفسهم جزء من) النظام , ان تصدق ان هؤلاء قد يعرضون ملياراتهم في الجرائد او المجلات او القنوات الفضائيه للخطر حتى يصل لسيادتك الكلمة الامينه او الرأي الصائب , اسمحلي يا صديقي, انا لا اريد ان اكون صديقك بعد اليوم. لماذا؟ لأنك ببساطه ستكون اول من يرمني بالحجاره اذا ما سلطت الاله الاعلاميه سهامها الي اذا تجاسرت و قلت كلمه صالحه في خضم السواد الذين يبثونه ليل نهار لأجل ان تبقى الحشود موجهه في مصالحهم و مصالح النظام. اذا لنتفق انه لا يوجد رأي حر او شخصية محترمه تمر عبر الميديا المملوكه لهذه المجموعه الملوثه.

و هنا ينتهي بنا الكلام الى ما يعرف بحصان طرواده. الوسيله الوحيده للتأثير في الاشخاص اصحاب الضمائر الحيه و العقول الاكثر وعيا من المجتمع المسير.

للأسف كثير جدا من القله المفكره ايضا تحاول الاستئناس بأراء او مواقف غيرهم ممن يفترض كونهم في نفس المعسكر. السيطره على هؤلاء ليس الهدف في حد ذاته و لكن لأنهم من غير الملوثين الذين بحكم مواقفهم يتابعهم اخرون من الاقل وعيا او اقل عزما و لكن اعدادهم اكثر و اكثر و تصب نحو متتاليه هندسيه قد تغير توازنات القوي فجأه.

السيطره على هؤلاء تتم عبر تشتيتهم و تشكيكهم و اسقاطهم في الخطأ. لا تستطيع التأثير في هؤلاء عن طريق سيطره مباشره او ضغط النظير و لكن الاختراق الفكري المبني على أحصنة طرواده. من كافة التوجهات و الطبقات و الشخصيات و لكنها تتفق في بعض السمات او الاستراتيجيات. تجدها تبرز و تصعد و تتكلم كثيرا كثيرا , و تفتي بحرقه و حراره و ايمان شديد في الاوقات الحاسمه .... و لكنها و ياللغرابه تخطئ كثيرا ايضا في الاوقات الحاسمه و تتأسف و تتشحتف و تتراجع و تتواضع بحرقه ايضا و حراره اكبر و ايمان اشد .... تتكلم قليلا في الاوقات الهادئه ... في هذه الاوقات الغير مهمه كلامها كله صحيح و ثوري و يصب في صالح الثوره و مواقفها محكمه و محترمه ... لأنه ببساطه .ليس وقت الثوره ولا ضير من اكتساب النقاط و ملء العداد حتى يمكننا فيما بعد في اوقات اكثر حرجا صرفها و اضاعتها في الوقت المناسب. الحل في نقطتين : الحكم المجمل على صلاحية شخص ثوري من خلال ما اضافته مواقفه في الاوقات الحاسمه و الحيويه الى الزخم الثوري , و الثانيه عدم الانخداع بالاقوال البراقه خصوصا في الاوقات الخاطئه. لا تنفع النار دون حطب و لا ينفع الحطب دون نار. اقطعو شعرة معاوية مع هؤلاء المتلونين.

--------------------------------------------------------------------------

حصان طرواده: كل اختياراته الحاسمه خاطئه لكنه جدع و بلدي و محترم و يعتذر ... شكرا روح لامك

اسطورة الديكتاتور العادل - The myth of the fair Dictator

الديكتاتورية هي الحكم الشمولي المعتمد على افتراض ان من يحكم يملك الحق في انفاذ كل قراراته على محكوميه بغض النظر عن خطأها او صوابها النسبي. هذا النظام اساسه الحكم الملكي او القبلي حيث تأتي أحقية سلطة الحاكم  عن طريق الوراثه او النسب. في اي من النظم الحديثه في عالم القرن العشرين و ما تلاه تأتي سلطة الحاكم و تنزع عن طريق الشعب بأطر ديمقراطيه تتيح المحاسبه و المسائلة لكافة الهرم الاداري المسؤول عن ادارة البلاد. العدل في النظم الملكية و القبليه وجهة نظر مهما اختلفت مع الحاكم لأنه يملك الحق في ان يكون ديكتاتورا بحكم ما ورثه من سلطه. العدل في النظم الحديثه لا يتماشى مع اي نوع من انواع الديكتاتوريه او القرار الشمولي الغير قابل للحساب لأن سلطة الحاكم تنبع من الديمقراطيه اصلا. المعني الوحيد للمطالبه بحاكم ديكتاتور مع افتراض ان ما سيفعله هو العدل هو افتراضك انه في منزله اخرى أعلى عقليا, اجتماعيا, ماديا, روحانيا ...ألخ عقلية العبيد فقط هي من تفترض العدل مع الديكتاتوريه .... و لا عزاء للحمقى و انصاف الرجال.

 

 Dictatorship is based on the assumption that the ruler has the right to enforce all of its decisions on whom he rules , regardless of he being relativle right or wroung . This system came from tribal and monarchy backgrounds, where eligibility of authority comes by heredity or descent. In any modern system in the world of the twentieth century and following the ruling authority comes through people and democratic frameworks that provide accountability for all the administrative hierarchy in charge of running the country . Justice in tribal and monarchy systems is just the point of view because the ruler has the right to be a dictator by virtue of what he inherited from power . Justice in modern systems is not in line with any kind of dictatorship or totalitarian non-accountable decision, because the ruling authority stems originally from democracy . The only meaning of people demanding a dictator with the assumption that what he will do is justice, is the people assumption that the ruler stands in a higher rank mentally , socially , physically , spiritually , etc. Only slave mentality assume Justice with dictatorship .... And no consolation for the fools and half- men

حكاية شعب

في ذكرى انتصار اكتوبر حاولت شحن النفس بروح الانتصار عبر الاغاني الوطنيه. وقعت في نفسي كل الاغاني موقع الحزن و الشجن. فامام كل كلمة انتصار اجد الاف معاني الانهزام الحالي. و امام كل كلمة عظمه للشعب يصدمني واقع المرض و الفقر و الجهل للنسبه الاكبر من هذا الشعب. و امام كل اغنيه عن الاراده و الحريه تترائى لي المعونه الامريكيه و الحبس الاحتياطي و المحاكمه العسكريه للمدنيين و العنف المفرط في الاقسام و نواصي الحارات. لكل ذكرى للعظمه من اهرامات و سد عالي و حضاره قديمه يوجد الف عاجز و الف الف فاسد و الف الف الف فاشل. الى كل من تشد عزيمته مثل تلك الاغاني القديمه و الذكريات البائده ... انصحك بالامتناع عن تلك المخدرات ... استفق على الواقع ... لعل و عسى

مملكة الحمير

حكايتنا يا محترم حكايه من دنيا الحمير

كان فيها  حصان و حمار و كلب و فوقيهم ضبع و فيل وكمان خنزير

غريب عجيب خنزيرملك ووراه الضبع غفير!!
 اما الفيل يا سلام على طلته كان الحرس و سبحانه كان برضه الأمير.

الخنزيرنغنغ و انتعش 30 سنه و على كل الدواب فرض المصير.

في عهده الضباع اتوحشت و نهشت لحم الغني ويا الفقير.

تفتكرالحمير اتململت؟ اتحركت؟ اتمنعت؟ ابدا دي قالت احنا المشكله... سيبك انت طول عمر الحمير حمير.

 الخيل قامت بعد سنين استأسدت , رفضت الظلم من الملك و الامير

ووراها و يالعجب قامت الكلاب و كأنما نبت فيها حتة من الضمير. 

و في ساعه عمي الوحوش عن القدر ولقو القرار صعب و خطير.

اتفقو بعد العلام يسلمو اللجام للفيل الوزير..

جت الخيول تعترض..العدل..العدل .. نهقت حمير كتير

 قامت الكلاب و هبهبت و كانت النتيجه خدت من الفيل جزء من السرير

و مع ان الثوره يا محترم ثورة حصان اصيل..ركبها الكلاب و الرأي كان للحمير

لا تنزعج لا تعترض ... الديمقراطيه حكم الاغلبيه حتى لو كانو حمير..

مش محتاج اقول ان الكلاب اتملعنت .. برضه كلاب و تعشق من العيش الحقير.

قام الفيل و خلفه الضباع .. هش الكلاب برضه الكبير كبير

طبعا حمير من غير عقول هللت .. الفيل جاي و بقوته واستبشرت بخير وفير..

و لما الخيول صهلت خديعه  خديعه ... ملقتش ودن و لا تبرير

من الاول رضت بالهزيمه و لم تكمل طريق النور للأخير

و رجعت الحياة كرب و حزينه ..فكرك حست على دمها حمير؟

دا دأبها خانعه للهزيمه .. هو انت كنت فاكرها هتطير؟

اللي طار هنا ارواح عظيمه رفضت تقبل الوضع المرير

و القصه عارفها حزينه بس صدقني الحقيقه اسود كتير.

البرادعي و لعبة الشطرنج العسكريه - Elbaradei and the egyptian military chess game

الحدث:في 30-6 الجماهير (ثوار - فلول - عسكر ) خلعو الاخوان. البرادعي و الثوار شاركو العسكري في ازالة الاخوان لأنهم اتفقو انهم خطر على الامن القومي و كان الفلول في صفهم رغبه في العوده للسلطه.

The event:

in 30 June the people (repels - old regime supporters - military) thrown off the MB. Elbaradie and the repels shared the military in removing MB because they reached a common belief that they were a clear and present danger for Egypt. The old regime supporters was in to try to come back to power.

الوقت الحالي:
Present situation:

•  بعد هذا الحلف المؤقت و في هذه اللحظه,  الفلول يريدون ان يستأصلو شأفة الاخوان تماما و يحجمو السلفيين بالاساليب القديمه ثم يأتي خلفهم الثوار, ليلتفتو للدوله ليركبوها كما الماضي.

• After this temporary allience the old regiem is trying to completely eradicate MB and control the Salafist using the old methods that they believe it still work. They are doing that to prepare for their fight with the repels to be back in control of the state.

•  الثوار لن يقبلو ان تنتقل الكره لملعب الفلول , لذلك هم حريصون على عدم استئصال الاخوان تماما على الاقل اكراما للقواعد الشبابيه التي هي جزء من الجماهير.

• The repels do not want to pass the power ball to the old regiem thats why they do not want to eradicate the MB or more precisely their youth bases

•  الاسلاميين ماتزال اثر الصفعه حارقا ليدركو اللحظه الفارقه

• The Salafist and MB are still shocked from the public reaction against them that they do not realize the critical situation

• الفلول لا يطيقون ما يفعله البرادعي و بدأو هجومهم عليه لأنه بثباته على مبادئه يحافظ ايضا على توازن القوى التي لن تضمن لهم السيطره الكامله

• The old regim is raging from what the repels and Elbaradie are doing , because by sticking to their moral standards and preserving the MB from eradication they are acctualy preserving the balance of power that will not allow the old regiem to come back

موقف العسكري :

The Military position:

 اولا يفضل الفلول لأن التفاهم بينهما كامل ... ثم الاسلاميين لأنه قادر على اجراء الصفقات معهم كما سبق ... اما الثوار و بينهم البرادعي فهوم يعلم ان الصدام معهم محتوم و ان كان تدريجيا اذا استقر الامر لهم لذلك لن يسمح بذلك الا في احلك الظروف

They prefer the coming back of the old regime because they have a total understanding and a history full of cooperation. If not, then the Islamist (MB + Salafist) because they proved to be flexible in making deals. The least favourable situation for them is being forced to live with the repels (and Elbardie ) in power because they know that soon enough they will have to clash for power.

لماذا يبدع المصريين في الخارج ... السؤال الممل

انا عارف ان السؤال ممل و قديم و الاجابه برضه قديمه. موضوع ان بيتوفرلهم الامكانيات و محدش بيحبطهم و المعوقات بتقل .... و و و و  ... كل دا جميل بس بيتناول ناحيه واحده من الموضوع . مش عاوز اتكلم عنها المره دي. و مش عاوز كمان أأكد ان مش كل المصريين اللي بينجحو بره بيبقو من غير معوقات او اشخاص سمجين بيحاولو يحبطوهم. الغباء في كل مكان.

الناحيه التانيه اللي انا عاوز اتكلم عنها هي الحياة خارج العمل. بمعنى ان المصري بطبعه صاحب مزاج. و عطشفي و حساس ههههههههه. يعني لو ظبطله مزاجه و بسطه بره الشغل يديك احسن شغل (بلاش مخكو يروح لبعيد). اللي اقصده هو طبيعة الحياة اللي بتدي للبني ادم حقه الطبيعي في:
1- الهدوء
2- الطمأنينه
3- الاستمتاع
4- الطبيعه الجميله
5- عدم الخوف من انتقاد الاخر بدون وجه حق
6- العدل و الحريه
الخ الخ الخ
خلو الصور تتكلم

هدوء و استرخاء (فايتشوشهايم) بس

ليه تقعد لما ممكن تمدد في الطبيعه ؟ (فورتسبورج) بس

اولادك بيلعبو

 مطمن عليهم في ملعب ببلاش في احضان الطبيعه (شفاينفورت ) بس

العاب جميله متينه امنه مصانه

جلسه مطعم في احضان الخضره (ميونخ) بس

 مش معنى انك في وسط البلد و اثار ان ميبقاش في عنايه بالخضره و الطبيعه (مارين بلاتز - ميونخ) بس

طب حوالين مباني الشغل تراب ؟ و الا خضره و مساحات خضرا (معهد الفلسفه - فورتسبورج) بس

 و الطبيعه مصانه حتى الطيور و الحيوانات حاسه بالامان

الامان و تحمل المسؤوليه... تحسها حواليك... الطريق الصغير دا اخر النور فيه  هنا ﻷنه مش مستخدم قوي عشان كدا على اخر عمود نور بيقولك خد بالك باليل مفيش نور و تمشي على مسؤولييتك و خد بالك. حرام مش كدا؟

ظاهرة انك تمشي حافي عشان فيه نظريه بتقول ان دا صحي من ان ﻷخر .. و محدش هيستغرب و محدش هيضحك او يضايقك ... كله في حاله و في مزاجه ... مالم تضر طبعا

ايه المشكله اني ازرع قدام بيتي ورد عشان انا انبسط و الناس تنبسط

ايه المشكله ازرع فوق السطح نباتات و ازهار عشان اقلل الحر و اجمل المكان؟

كل فتره لما الوقت بيبقى مناسب نعمل احتفال او كرنفال في الشارع من غير ازعاج نخلي الناس تشتري و تبيع و تنبسطالاطفال ليهم حق في الثقافه كمان مش بس لعب و مرح لا مسرح و برامج... اكبر مسرح في فورتسبورج .. مبينساش الاطفال و لازم حفله مسليه و تثقيفيه بكل ما جنبها من عروض او مكملات

ايوه ... سعاد حسني وصل هنا و الحياه ممكن يبقى لونها بمبي و تخلي كل حاجه في عربيتك بمبي من غير متقلق ... انت حر و مبسوط... استمر

اقعد في وسط الناس ... و سط الطبيعه ... النسيم و الاسترخاءكل حاجه مجهزه و معده و كورنيشك موجود

عارف ... حتى جوه المستشفى فيه ورد عشان تنبسط

على النهر كل شيء معد عشان تيجي ... تعالى بقا!!

تيجي مشي ماشي ... عجله ماشي ... عربيه ممكن ... المهم تعالى

متفوتشي فرصة الطبيعه و الخدمات ... انت انسان و تستاهل تنبسط و تستمتع (فايتشوشهايم) بس

-----------------------------
لماذا يبدع المصريين في الخارج .... اسباب اخرى