فـــــكــــــر شـــويــــــــة

أسئله عسكريه مصريه

2011-09-04T20:36:00.000+02:00

من الذي عين المشير طنطاوي في منصبه؟
من الذي عين جميع أعضاء المجلس العسكري في مناصبهم؟
على اي اسس ستم تعيين القيادات العليا في الجيش؟
هل يوجد فساد في الدوله خلال ال30 عاما السابقين يرقى الى درجة الخيانه؟
هل هذا الفساد معروف بالنسبه للقيادات العليا للقوات المسلحه؟
هل تم تقوية ام اضعاف الجيش المصري خلال ال 30 عاما الماضيه؟
هل هناك فساد مالي او اداري بالجيش المصري؟
كم يمثل حجم اقتصاد الجيش المصري ؟
كم حجم ميزانية تسليح الجيش المصري من يشرف عليها؟
ما حقيقة عمولات صفقات تسليح الجيش المصري و اين تذهب؟
هل حمى الجيش المتظاهرين بدءا من يوم 28 يناير من هجوم الداخليه و البلطجيه؟
هل علاقات الجيش المصري الاستراتيجيه متوازنه مع الاعداء و الحلفاء ااتاريخيين و الاستراتيجيين؟

كلمة السر: الداخليه

2011-07-19T15:48:00.000+02:00

ايوه كلمة السر لهذه المرحله هي الداخليه

الداخليه هي الذراع الطولى للنظام السابق ... و اكثر ما توحش و فسد من أجهزة الدوله... بل ان وظيفته الاساسيه كانت الاشراف على افساد كل مرافق الدوله ... بل و الشعب كذلك

كل المؤسسات الحكوميه و الغير حكوميه كان يشرف عليها من قبل هذا الجهاز البغيض لكي يتم افرز الاوساخ و توليهم المناصب .... و فرز الاحرار الاكفاء و ابعادهم و اهمالهم و أحيانا البطش بهم... كل مؤسسات الدوله كانت تعمل تحت و خلف هذا الجهاز البغيض

و من أجله و به و اليه تصاغ كل السياسات في لأحوال البلاد و العباد لنبقى مغيبين و مضيعين فقراء مفقرين ... كارهين مكروهين ... ليختزل كل فرد بلده في نفسه او اسرته او جامعه او كنيسته او جماعته .... و لتترك البلد للنهب ... و ليظل المصري محني الظهر مطأطأ الرأس ..... كلمة السر الداخليه

ان لم تحل هذه المؤسسه الهلاميه العنكبوتيه السرطانيه تماما ... فلننسى حتى كلمة اعادة الهيكله .... لنبني مؤسسه جديده ... و نفتح الباب للتوظيف فيها بمؤهلات معينه و بعد فتره تدريبيه معينه .... و حتى ان كنت ظابطا يجوز لك التقدم فيها و لكن بعد تمحيص و بحث في تاريخك و ماضيك و السؤال و الاستقصاء ....نبني من جديد على نضافه بقا

لأن و الله لو لم تنتهي هذه المؤسسه تماما و يغلق على مرحلتها السرداب .... لن تنجح الثوره و لن تتقدم البلد خطوه و سنظل في صراعات دائريه من عينة صراعات دون كيشوت... لا نعرف من اين تأتينا اللطمات....

الجماعه و الا الحزب - الحزب و الا الجماعه؟

2011-06-19T23:37:00.000+02:00

انتو ليه مش عاوزين تحلو الجماعه طالما ممكن تتواجدو كحزب؟
لا ااا أصل الجماعه أكبر من السياسه, الجماعه رساله دعويه.
ممم طب ليه لما حد من أعضائكم مهما كان كبير في القيمه بيختلف معاكو فكريا بتخلعوه سياسيا؟
لااا أصل لا يصح انه يخرج عن قرار شورى الجماعه
بس قراره قرار سياسي و هوا ينتمي للجماعه الدعويه و مش الحزب السياسي؟!؟ دا حتى ممكن يكون حزب تاني؟
لاااا لا يجوز لعضو الجماعه الا مناصرة قرار الجماعه السياسي و الانتماء لحزبها السياسي
الله ما تبقى جماعه سياسيه بقا مش دعويه ... يبقى كفايه الحزب و من خلاله تعملو البرنامج اللي انتو عاوزينه حتى لو ذا توجهات دينيه؟
لااا انتا شكلك مش فاهم : بقولك الجماعه اكبر من السياسه دي جماعه دعويه دعويه
دعويه!!!؟ أه واضح اني انا فعلا مش فاهم ... حد فاهم يقولي؟

يعني ايه مجلس عسكري؟

2011-05-24T01:48:00.000+02:00

مجلس عسكري هناك في الثكنات ..... هنا انتا مجلس مؤقت ... مدير مؤقت ... تعمل اللي نقولهولك ... متعملوش نمشيك زي سيدك و نجيب غيرك ... نقطه و من أول السطر

مصر جديده

2011-05-07T15:06:00.000+02:00

كنت بطلت أكتب هنا من زمان .... كنت بكتب من الزهق و كنت أدمنت التعليق على الاخبار في فيسبوك و تبادلها بناء على رؤيتي ان دا نوع من أنواع الكتابه السريعه..... اللي بيتفق مع رأيك بتقول و الل بتختلف معاه بتقول و ليك تعليقاتك.

بس محبتشي ان ثورة مصر تحصل و يبقى أخر تدويناتي واقف قبلها
مبروك علينا: البدايه .
و لازم نكمل المشوار عشان نوصل لمصر اللي في خاطري .... ابتدى المشوار

لو علمتم الغيب لأخترتم الواقع

2010-02-13T20:35:00.002+02:00

كنا في يوم من الايام بلد كفاءات

كان لنا هدف و موقف

وكان العامل و التاجر و العالم و المهندس و الطبيب و غيرهم و غيرهم يعملون بجد لأنفسهم و لبلدهم

ساء الحال و اصبحنا بلد شهادات و بدأنا نتفنن في السخريه من اصحاب الشهادات التي لا تساوي شيئا و ذلك لأن حاملها في الحقيقه لا يستطيع المنافسه في سوق العمل و ذلك لبعدها عن الواقع العملي او لسوء العمليه التعليميه من الاساس و كنا نترحم على بلد الكفاءات

الآن اصبحنا بلد هيافات.... و لا تخطئ ارجوك و تعتبرها جمع هيفاء .... و لكن هيافات من الهيافه و التفاهه و السطحيه

اصبحت المثل العليا هي لاعب الكوره و المغني و الراقص و و
انا لا اقصد الانتقاص من اصحاب هذه المهن فهي مهن مهمه للترفيه عن أمه عامله تتعب و تشقى و تبدع و تنتتج ثم بعد ذلك تبحث عن التسليه لكي تجدد النشاط و تصفر العداد لتستطيع المواصله !!!!
اما ان تكون هذه النشاطات و هذه المهن هي الغايه و الهدف... او ان تكون بالاحرى وسيله للبعد عن الهدف.... او تخدير الشعور العام ليفقد الاحساس بالاتجاه و الهدف

فعندها فعلا نكون قد اصبحنا بدل هيافات بصحيح
و يا ليتنا حتى بقينا بلد شهادات ......

مصر كسبت .... اوعى البنج

2010-01-12T22:45:00.000+02:00

لما مصر كسبت النهارده كنت مبسوط قوي و لو كنا في مصر كنت هنبسط اكتر و غيري بينزلو الشوارع و بيهيصو

مش عارف ليه المره دي مفرحتش قوي

البنج اللي بتعمله المكاسب دي معايا و مع كل المصريين مش عارف ليه مشتغلشي

يمكن عشان الالم اللي عاملاه حادثة نجع حمادي
يمكن عشان الالم اللي عامله خبر اننا بره 500 جامعه على العالم
يمكن خبر الضرايب العقاريه
يمكن ذكرايات الري الملوث بالصرف الصحي
يمكن
يمكن
يمكن
فيه حاجات كتير

البنج مش هينفع
يا رب ما ينفع و نفضل فايقيين

Windows to the World

2009-11-07T02:49:00.003+02:00

They may seem as small windows

Some times you barely see shadows

But they are a path to a whole world

Across lies life in action and sometimes it narrows

There you could feel warm or alone

There you could win your dream or lose your soul

When they shine the son just hollows

When they cry thunder strikes your heart

They are your windows to the world

وطــــن مفـــــروش

2009-10-18T17:18:00.003+02:00

أعجبني لـ حسين البربري

حسين البربري : بتاريخ 17 - 10 - 2009
البعض أصبح يتعامل مع هذا الوطن وكأنه وطن بالمفروش يمكن أن يتركه ليسكن غيره في أي لحظة أو يتعامل معه وكأنه وطن معروض في مزاد يباع بالكيلو.. ولو لم يتذوق من لحمه يضع له السم ليموت.. أو يتعامل مع هذا الوطن وكأنه لوحة سريالية ليس لها معالم ولا يفهم منها إلا الشخابيط !!
فهذه المقدمة ليست إلا وحيا من الصورة الضبابية التي صنعها المستغلون من فوبيا المواطن من فيروس أنفلونزا الخنازير. فلم يكتف ساكن الوطن بالمفروش أن يروا حالة الذعر المنقوشة والمحفورة على وجوه المواطنين بل أرادوا المشاركة الفعالة من فوق ظهور نعاجهم وأغنامهم المصابة بالوهن ورفعوا سيف عدم الحياء ليضاعفوا من فصول دراما أنفلونزا الخنازير فصلا أخر من إبداع عقولهم المريضة وإخراج نفوسهم الضعيفة. لذا كان هناك عدد من النماذج تم رصدها وكان يجب التنويه عليها. لأن هذه النماذج من بيننا لذا وجب الكلام.
فعند بدء الأزمة خرجت بعض الصيدليات لتؤكد علنا إن الوطن بالنسبة لها ليس إلا حقنة "مورفين" أو "بنج "يعطي للناس ليذهبوا في غيبوبة
وقد أجادوا أداء المشهد الأول من دراما المواطن المصري. لقد استغلت هذه الصيدليات الأزمة وقررت المتاجرة في هلع الناس وباعوا "كمامات" يفترض أن تكون واقيا من انتشار فيروس أنفلونزا الخنازير بضعف ثمنها الحقيقي إلى أن وصلت لعشرة جنيهات.
ورغم سعرها المرتفع إلا أن جودتها أسوأ من ضمائر بائعيها. وابتكر البعض فكرة وجدوها هي الأخرى مربحة.. لماذا لا نصنع مطهرا لليد ؟ !! . فعلا. قامت بعض الصيدليات التي تناست شرف مهنتها بتركيب مسحوق أشبه بالصابون وابعد ما يكون بالمطهر الطبي ووضعوه في زجاجات" شيك" وأطلقوا عليه" ليسيون" لتطهير اليد وعندما لاقى هذا الصابون رواجا بين تلاميذ المدارس وطلاب الجامعات رفعت تلك الصيدليات ثمنه للضعف !. فالمشكلة انه لم يعد هناك من وجهة نظر المستغلين الذين يتعاملون مع وطنهم كأنه وطن بالمفروش شيء مهم من اجله يغيرون مسارهم من مستأجرين إلى مالكين.
لقد أصبح المواطن المصري يقف في العراء كأعمدة الكهرباء يتحمل الضغط العالي بدون " آآآه" . ولم يكن بعض الصيادلة هم الفئة الوحيدة التي تتعامل مع الوطن بالمفروش. لكن هناك أيضا الأطباء البشريين الذي هبط على بعضهم فيروس أنفلونزا الخنازير كهدية من السماء فقد أيقن هؤلاء هلع المواطنين وخوفهم على أنفسهم وعلى أولادهم لأنهم قرأوا جيدا المشهد المرعب للمواطن المصري وعرفوا انه سيهرول إليهم بمجرد ظهور ارتفاع في درجة الحرارة أو كحة أو عطس. لذا رفع البعض تسعيرته طبقا لمكتب تنسيقهم _ اقصد_ التوزيع الجغرافي لمكان عيادته.. وقد جاء في كتاب كليلة ودمنة. قال ذئب مضياف لحمل مسكين: هل تريد أن تشرف منزلنا بالزيارة ؟. فأجاب الحمل: كم كان فخري بزيارتك عظيما لو لم يكن منزلك في معدتك.بهذا المبدأ الميكافيلي استغل أيضا تجار الفاكهة الأزمة وقاموا هم الآخرون برفع أسعار الفاكهة من تلقاء أنفسهم دون خوفا من رقابة أو محاسبة. فهم يظنون وظنهم به شيئا من الصواب إن الفاكهة غنية بالمضادات الحيوية القادرة على مكافحة الفيروسات والأمراض.
فقد تناسوا الكارثة ووجدوها فرصة لزيادة " كروشهم" و " قروشهم" وتناسوا الوباء الذي ربما يصل إليهم في أية لحظة لكنهم سدوا آذانهم وتذكروا فقط المقولة الانتهازية الشهيرة " اللي تغلب به.. العب به" ونأتي إلى أكثر المستغلين خطورة وأوسعهم انتشارا ألا وهم صانعي مناديل "الكيلينكس" المغشوشة والمعبأة تحت بير السلم .لقد انتشرت في الأسابيع الماضية تلك المصانع وأمطرت القاهرة والأقاليم بمناديل مظهرها الخارجي سيئ ومحتواها أسوأ وذلك بعد تحذيرات وزارة الصحة بان العطس بدون مناديل يسبب في انتشار العدوى فخرجت هذه المصانع من جحور وشقوق " الفهلوة" وضمت إليها فريقا من المتسولين يبيعون هذه المناديل مقابل أي صدقة وكذا أطفال الشوارع الذين يبيعونها في إشارات المرور وعلى المقاهي والمدهش إن هذه المصانع ومندوبيها الدائمين في شوارع مصر رفعوا شعار " اللي يصعب عليك.. يفقرك"
فالوطن أصبح بين قوسين كلمة لا تثير الشجن ولا تقشعر لها الأبدان. فأصبح هناك من يدلله ويطلق عليه " وطنطن" !! ويكون تحية في الأفراح الشعبية_ سمعني السلام الجمهوري_ وهناك من يظن أن الوطن امرأة ترتدي جلبابا ويجب أن تعاقب باستمرار مع أول خطا !.. وكم من المضحكات التي نراها عندما تكون هناك كارثة. فالآية تنقلب فجأة. فتحاكم النملة الفيل والأرنب يتحدث عن قدرته في التهام قطيع الذئاب.. وهاهم المدرسون خرج من بينهم من يشوه صورتهم في هذه الأزمة. وأعلنوا أنهم من متخصصي المكسب السريع ولتذهب المبادئ في البحر. وفى بداية دخول المدارس رأى هؤلاء " نحتاية" بلغة " الألتية" ستعود بالنفع من هذه الكارثة فرفعوا زيادة أتعابهم من الدروس الخصوصية مستغلين خوف أولياء الأمور من التجمعات الطلابية لتصل الحصة الواحدة إلى مائة وأحيانا مائتي جنيه في الساعة الواحدة.. واعتقد أن مثل هؤلاء المدرسين لم يقفوا أمام ضمائرهم ولو مرة واحدة في حياتهم وحاسبوها. لذا أصبحت ضمائرهم مجمدة كما يجمد سرطان البحر داخل شباك الصياد من الخوف. لقد أصبح ضمائرهم كشراع مهلهل على مركب بدون مجداف.
لقد أصبحنا نعيش بين أسنان العاصفة ولم يعد لنا قيمة إلا والتهمناها مثل البيتزا أو طبق الفول المدمس. الصيدلي والمدرس والطبيب والتاجر والمهندس وغيرهم شركاء في هذا المجتمع. والحكومة على طول الخط أصبحت صامتة .. مكسورة الجناح أدمنت موهبة التجاهل مهما كانت قيمة ما يكتب ويسمع ويرى وصنعت " ودنا من طين والأخرى من عجين" ووضعت رأسها في الرمال وتركت ظهرها مكشوفا بلا غطاء. وعندما تحل الأزمات نجد الفئران تخرج على رائحة العفن تدعي أنها عليمة بخبايا الأمور وهي لا تعرف ابعد من انفها.

رمضان شهر القران

2009-08-22T18:20:00.003+02:00

لا تضيعوا رمضان
كل عام و أنتم بخير

غلب و الا نداله يا عمي يا ابنودي؟

2009-07-12T23:06:00.000+03:00

من زمان و انا بحبها

و في عروقي صوتها و رسمها
مصر بلدي من قبل معرف اسمها
مصر التي في خاطري ضيعت عمري بدور عنها
لقيتها ضاعت من عيون اهلها
لقيتها جرح في قلوبهم عايشين على ذكرها
مين يا ترى يا مصري انتا في اهلها
ميت في عباره و الا سرطان في جسمك من اكلها
موظف بسيط و الا عايش و مش عايش في عشوائيات ارضها
مهاجر بيبكي دم على حقه من نيلها و شمسها
بيبكي دم على قهره بين حيطانها و نسرها
نسرها اللي كان رمز لقوتها و عزها
و صبح نار و حديد على كل ايد و روح بتحبها
مصر حبي لكن....غرقت في بحرها
بحر ظلم من اهلها لأهلها
بحر كفر بأسمى معاني حبها
بحر فيه المصري بيخنق اخوه عشان يقب على وشها
يا بلدنا يابلد يالي درويش غنالها و قالها
صدقيني خفت منك يمكن تحن على ابنها
يا عمي يا ابنودي ما تقولشي ندالة اهلها
قول غلبهم قول يأسهم في حبها
قول هما مين قبل متحكم بالنداله على اهلها
قول هما فين وانا اول واحد راح اقولها و اعيدلها
و اجري عليها .. و ادفى في حضنها

-------------------------------------------------------

ندالة أهلها للأبنودي

ميت ألف فرصة عشان أسيب مصر... ولا عمري سبتها
علشان هي بلادي... إللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر
بحب زيفها وأصلها
بحب فيها طلعة الشمس... تنور وشها
بحب فيها القمر... طالع يغازل حسنها
بحب فيها المشي... على شط نيلها وبحرها
بحب فيها بناتها... راسمين ملامح شعبها
دي بنت مايصه... وحاطه ورده فـ شعرها
ودي بنت جد... ونازله جري لشغلها
هتلاقي فين بلد فيها الكنايس والجوامع... بتحضن بعضها
مسلم مسيحي... إخوات راضعين طيبة من صدرها
نبع الحنان... ويناموا حاضنين أرضها
هتلاقي فين تاني... بلد كل حاجه فيها تخليك تحبها
هتقولي ظالمه... هقولك برضو بحبها
هتقولي ضالمه... ما هو ده سواد شعرها
هتقولي زحمه... هقولك علشان بنعشق أرضها
هتقولي فيها فساد... هقولك ده من طيبة شعبها
جرب كده تسهر ولو وحدك على ضف نيلها... وحبها
جرب تشوف بنت حلوه مع شاب واقف جمبها بيحبها... شايل في قلبه هموم الدنيا كلها... وبرضو بيحبها
جرب كده تاكل دره وترمس على شطها... وتشوف وشوش الناس واضحك زيها
طب وانت ماشي لوحدك ووقعت في مشكله... مش بتلاقي ألف واحد جمبك بيحلها... لا تعرفهم ولا يعرفوك بس جمعكم حبها
أهي هي دي مصر...
زاحمه ظالمه...
فاسده ضالمه...
مش مهم...
ده كفايه خفت دمها...
هأفضل لمصر أقول وأعيد...
أنا أصلي عاشق أرضها...
وطبعا ده كله كلام في الهوا...
أنا لو تجيني نص فرصة هقول لها...
بالسلامه يا مصر...
ومش عايز أشوف وشها...
وهي دي بقى ندالة أهلها...

بس أه لو تسمعيني

2009-05-07T20:42:00.004+03:00

نفسي ...نفسي....نفسي

يابلدنا يابلد....... هوا من أمتى الولد

يابلدنا يابلد....... هوا من أمتى الولد

بيخاف من أمه لما فى الضلمة تضمه

صدقينى خفت منك......... خفت منك صدقينى

عايز أصرخلك وعاجز....... أسمعك أو تسمعينى

بس أه لو تسمعيني

نفسي ...نفسي....نفسي

ايمان البحر درويش

مسلسل حلو : The Mentalist

2009-05-07T16:06:00.002+03:00

الرحله

2009-04-12T14:33:00.002+02:00

عندما تفلت من قيود الظروف و تجعل لطمات بحر الحياة قوة تدفعك للأمام

هنا فقط تبدأ رحلتك الحقيقيه نحو أمانيك واحلامك

It is when you break off the cuffs of surrounding conditions and slide over the waves of life, that you really begin the true journey towards your dreams and hopes.

مصر .. مصر .. تحيا مصر

2009-04-05T08:41:00.001+02:00

تدوينه شخصيه تاريخيه فاصله

2009-03-08T00:11:00.004+02:00

I have recieved the final acceptance for the DAAD GERLS scholarship on 6-3-2009

زيد ........ لماذا تقتل؟

2009-02-19T10:41:00.002+02:00

كاتب الماني و اعلامي مشهور

راح العراق وعاش فتره هناك و عايش الوضع و بيتكلم بصراحه و ببساطه مشفتهاشي من اجنبي عن حقيقة الامور

اسمعوه

...........................و شـــكــــــرا

2009-02-14T21:45:00.005+02:00

فوز المستشار أحمد الزند برئاسة نادي قضاة مصر

في معركة انتخابية عنيفة ومتوترة حشدت لها الحكومة كل إمكانيات المؤسسة القضائية وفي مقدمتها وزارة العدل فاز المستشار أحمد الزند رئيس محكمة استئناف القاهرة والذي يدعمه وزير العدل برئاسة نادي قضاة مصر منهيا سنوات من هيمنة تيار الاستقلال على رئاسة النادي

-------------------------------------------------------------------------------------------------

إصابة 11 طالبة بالاختناق في حفل لتامر حسني و ١٥٠ جريحًا وجريحة بسبب التدافع والتحرشات فى حفل تامر حسنى بجامعة المنصورة

-------------------------------------------------------------------------------------------------

و
و
و شــــــكــــــرا

محدش عارف الخير فين

2009-01-17T23:18:00.005+02:00

ما احناطول عمرنا عايشين بنقول الحمد لله

اهي مستوره

اهي ماشيه

اهي هتعدي

و شوفو وصلنا لأيه

"على باب سفارة كندا
لمحت ابليس و ف ايده استمارة
بقوله على فين قالي بص
يا هجرة يا اعارة
يا عم انا كفرت و زهقت
ألاقيش معاك سيجارة

أنا انتهيت خلاص
لا نافع وسواس و لا خناس
و لا ليا عيش وسط الناس
دول عالم مجرمين
عندكوا فائض ف الفساد
ف كل البلاد
و مش محتاجين شياطين

مليش عيش ف البلد دي
بقالي سنين عاطل
و انتوا بتعرفوا تقلبوا الحق باطل
و تسلكوا القاتل
و تمشوا ف جنازة المقتول
و مفيش مشاكل

يا عم ده انا بقيت اوسوس بالمقلوب
و اقول للحرامي كفاية بقى توب
انت لوحدك هتعمل كل الذنوب
و انا ابليس اشتغل واعظ
و لا كمساري ف اتوبيس

يا عم دا انا زمان كنت استنى حد ينسى يسمي
و هو بياكل لقمته
دلوقتي كل اكلكوا ملوث
و بصراحة الواحد خايف على صحته
ده مفيش ضمير اساسا
علشان اموته
كل واحد بمزاجه خربانة زمته
يا عم دا كل حاجة اتسرقت
و كده الاجيال الجديدة من الحرامية
اتظلمت

يا راجل دا من كتر ما لطشت معايا
خرجت ف مظاهرة مع الناس اللى بتقول كفاية
و برضه مفيش فايدة !!

كلمات الشاعر علي سلامة"

يمكن لما متعديش

و كل حاجه تبوظ وتسود في وشنا

نفوق

يمكن

محدش عارف الخير فين

ساعد غزة بايجابية احرم رئيس اسرائيل من اهم انجازاته

2009-01-16T10:04:00.001+02:00

من الممكن تجربة هذه الطريقه ايضا:
اضغط على الصورهز

------------------------------------------------------------------------
رساله وصلتني على الميل و اريد تمريرها للجميع:
ارسلها لكل اصدقائك ولكن اولا للايميلين الموجودين فى الرسالة لتشكل ضغطا
عن أبي سعيد الخدري -رضى الله عنه- قال: سمعت رسول الله -صلى الله عليه وسلم- يقول: من رأى منكم منكرا، فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان رواه مسلم.اخى فى الله نحن ما نراه من اعتداء على الاسلام والمسلمين فى غزة نتمنى ان نغيره بيدينا ولكن ان لم نستطع فبلساننا ـــــــــــــ بالله عليك ارسل هذه الرسالة الى موقع جائزة نوبل للسلام لسحب الجائزة من رئيس اسرائيل الحالى شيمون بيريز التى حصل عليها عام 1994
ارسل لموقع جائزة نوبل

comments@nobelprize.org
ارسل لمركز نوبل للسلام
post@nobelpeacecenter.org

نص الرسالة

السلام عليكم الى كل محبى السلام فى العالم الى المدافعين حقا عن حقوق الانسان الى المثل الأعلي الذي أرساه نوبل. حين أراد أن يكفر عن اختراعه الديناميت بمنح جوائز تعمل علي تقدم العلوم والآداب وخدمة قضية السلام العالمي الى كل من يرى المذابح اليومية المرتكبة من اسرائيل ضد اطفال ونساء و رجال لايملكون الا الصراخ والبكاء على من ماتوا او خوفا من الموت كيف تتركون جائزة السلام فى يد رئيس دولة تشن حربا على المدنيين شيمون بيريز حصل على جائزة لسلام يهدمه هو الان نطالب هذه المؤسسة العظيمة ان تسحب هذه الجائزة التى لا يستحقها نوبل عاش ومات يكفر
عن ذنبه فهل لا تكثر ذنوبه بالابقاء على جائزة السلام مع رئيس دولة اسرائيل الحالى شيمون بيريز

Peace be upon you,

To all peace-loving people in the world, to defenders of human rights truly, to the idea established by the Nobel Peace Prize. While he wanted to be forgiven for his invention of dynamite. The progress of science, literature and the cause of world peace. To each of the daily massacres committed in the view of the Israel against children, women and men who do not have anything to defend themsleves or even nothing to eat or drink, but screams and cry of those who died, or fear of death...Have you ever experienced that feeling once in your life?! How do you just run the Nobel peace prize in the hands of the Head of State of Israel who started a war on exhausted non-armed hungry ill civilians in Gaza, Shimon Peres won the prize for peace...? for what?...for killing civilian?

We call upon you, thas great institution who have our respect and admiration for many many years to withdraw the Nobel peace award from this man who does not deserve it. Under what circumstances these acts belongs to humanity, even in the animal life...?

My expectations in your decision pushed me to write this to you. defend our humanity, conserve your leadership as most prestigeous pieze known ever on earth.

Nobel lived and died for the hope of being forgiven for his sin, is not it much sins to keep the peace prize with the Head of State Israel's Shimon Peres.

Thanks,

OM.

ارسل لموقع جائزة نوبل
comments@nobelprize.org
ارسل لمركز نوبل للسلام
post@nobelpeacecenter.org

Off course you can write in different lamguages other than English with your own expressions.

Jazakum Allah.

We Will Not Go Down In The Night Without A Fight

2009-01-12T11:08:00.003+02:00

WE WILL NOT GO DOWN

Song for Gaza

(Composed by Michael Heart)

A blinding flash of white light

Lit up the sky over Gaza tonight

People running for cover

Not knowing whether they’re dead or alive

They came with their tanks and their planes

With ravaging fiery flames

And nothing remains

Just a voice rising up in the smoky haze

We will not go down

In the night, without a fight

You can burn up our mosques and our homes and our schools

But our spirit will never die

We will not go down

In Gaza tonight

Women and children alike

Murdered and massacred night after night

While the so-called leaders of countries afar

Debated on who’s wrong or right

But their powerless words were in vain

And the bombs fell down like acid rain

But through the tears and the blood and the pain

You can still hear that voice through the smoky haze

We will not go down

In the night, without a fight

You can burn up our mosques and our homes and our schools

But our spirit will never die

We will not go down

In Gaza tonight

الترجمه من عند نواره

لن نخضع

وميض ضوء ابيض يعمي الابصار

اضاء سماء غزة الليلة

الناس يركضون باحثين عن غطاء

لا يعرفون ان كانوا احياء ام امواتا

لقد جاءوا بدباباتهم وطائراتهم

بلهب مشتعل تدميري

فلا شيء يبقى

إلا صوت يعلو من بين ضباب الدخان

لن نخضع في هذا الليل

بدون قتال

يمكنكم حرق مساجدنا وبيوتنا ومدارسنا

لكن روحنا لن تموت ابدا

لن نخضع في غزة الليلة

النساء والاطفال على حد سواء

يقتلون ويذبحون ليلة بعد ليلة

بينما القادة المزعمون في البلاد البعيدة

مازالوا يتجادلون حول من المخطئ ومن المصيب

لكن كلماتهم الضعيفة ذهبت هباء

والقنابل مازالت تسقط كالمطر الحمضي

لكن من بين الدموع والدماء والالم

مازلت تسمع نفس الصوت من بين ضباب الدخان

لن نخضع في هذا الليل

بدون قتال

يمكنكم حرق مساجدنا وبيوتنا ومدارسنا

لكن روحنا لن تموت ابدا

لن نخضع في غزة الليلة

الجيش العربى فين؟

2009-01-09T13:35:00.003+02:00

واحد اتنين

الجيش العربى فين

الجيش العربى فى مصر

ساكن فى مدينة نصر

بيصحى من النوم العصر

وبيفطر شاى ومنين

واحد اتنين

الجيش العربى فين

الجيش العربى فى سوريا

حالق على الموضة كابوريا

وعلى طريقة فيكتوريا

خلى الترماى بدورين

واحد اتنين

الجيش العربى فين

الجيش العربى اللييبى

ذى الفن التكعيبى

وكلة بتنجان يا حبيبى

والظاهر واخد عين

واحد اتنين

الجيش العربى فين

الجيش العربى خليجى

مافية حيل يروح ولا ييجى

هذا صمت استراتيجى

واحد اتنين

الجيش العربى فين

الجيش العربى فى تونس

اخضر مثل البقدونس

وعزيزة بتعشق يونس

يبقى الحروبات بعدين

واحد اتنين

الجيش العربى فين

الجيش العربى سودانى

سامع خطوتة بودانى

هو انا ههجم فردانى

يلا بينا ياابوحسين

واحد اتنين

الجيش العربى فين

الجيش العربي فين للشاعر محمد بهجت

I Cannot believe it, I am speechless !!!!!!

2008-12-29T09:38:00.001+02:00

كلمة حق في وجه سلطان ظالم

2008-12-18T17:15:00.003+02:00

الحقــد العـــام‏!‏ (ان الله لا يغير ما بقوم حتى يغيرو ما بانفسهم) كفايه حقد

2008-10-17T11:52:00.003+02:00

44510

‏السنة 133- جريدة الاهرام العدد

2008

اكتوبر

‏17 من شوال 1429 هـ

الجمعة

الحقــد العـــام‏!‏
بقلم : د‏.‏ وجدي زيد

‏جاءني صوته عبر الهاتف قلقا متوترا‏,‏ لم أكن أعرفه ولا أعرف كيف حصل علي رقم هاتفي لكنني لمست في نبرات صوته الحيرة والعجز‏..‏

سألني‏:‏ كيف نتعامل معكم أنتم المصريين؟‏!‏
قلت‏:‏ ما هي المشكلة؟
قال‏:‏ المشكلة أننا هنا مؤسسة أوروبية عالمية محترمة ورشحنا أحد علماء مصر المشهود لهم عالميا بالعلم والتفوق والخبرة لأن يكون عضوا بهذه المؤسسة العلمية العالمية‏,‏ واذا بزملائه في مصر يحاربونه ويرسلون الشكاوي فيه إلينا‏,‏ وهذه ليست أول مرة تحدث معنا‏,‏ فلقد أعتدنا علي هذا السلوك من المصريين فهم يحقدون علي أنفسهم ويضيعون طاقاتهم ويبددونها في تحطيم زملائهم في المهنة‏!‏

لم أعرف ما إذ أرد به علي الرجل‏,‏ فصمت لحظات بعدها وجدتني أسأله في تلقائية
ــ ولماذا ترسلون لهؤلاء الحاقدين أصلا؟‏!‏
رد ــ لأنهم أعضاء بحكم المهنة والتخصص‏.‏

سألت‏:‏ وهل يجمع هؤلاء الحاقدون علي رفض زميلهم المتفوق؟
قال‏:‏ للأسف‏!‏

قلت‏:‏ غريبة؟‏!‏
استطرد سريعا‏:‏ لا ليست غريبة عليكم‏..‏ فلقد اعتدنا هذا من العلماء المصريين‏..‏ وكما أن هناك بيئة طاردة كما يقول علماء الاجتماع هناك في مصر بيئة حاقدة‏...‏ هناك حالة حقد عام يعيشها العلماء المصريون؟‏!‏

قلت‏:‏ هذا تعميم ظالم‏!‏ وهناك مثال يقول عكس ذلك‏,‏ هناك مثلا مصطفي السيد العالم المصري الذي يعيش في أمريكا وكتب عن زميله العالم المصري أحمد زويل الذي يعيش في أمريكا أيضا‏,‏ وكان تقييم زميله مصطفي السيد المقدمة والأساس الداعم لحصول زويل علي جائزة نوبل‏.‏

قال‏:‏ انت قلتها بنفسك؟
قلت‏:‏ قلت ماذا؟‏!‏
قال‏:‏ قلت أن مصطفي السيد وأحمد زويل يعيشان في أمريكا وليس مصر‏..‏ لم يكن يستطيع مصطفي السيد ان يخالف ضميره العلمي ولا القناعة العامة ولا الأسس الموضوعية في فرع التخصص‏,‏ ولو حدث لاكتشف المجتمع العلمي في أمريكا ذلك‏..‏ وهذا المجتمع العلمي في أمريكا لا يمكن أن يجمع علي نكران عالم متميز‏,‏ نعم هناك التنافس وحالات قليلة من الغيرة الشديدة‏,‏ لكنكم في مصر صنعتم حالة معقدة غريبة لا تفرح بنجاح المتميزين والمفوقين‏!‏

صمت وطال صمتي وأدرك الرجل أنه قد زاد فتابع في صوت متراجع‏:‏
ــ انتم المصريون أذكياء ومعظم من خرج من مصر لمواصلة تعليمه حقق انجازات مشهود لها في المؤسسات العلمية الدولية‏,‏ بل ويستطيع علماء كثيرون في مصر ان يحصلوا علي الجوائز العلمية العالمية وأن يشغلوا الأماكن العلمية في المؤسسات الدولية في العالم المفتوح الآن ولكن للأسف يضيع المصريون طاقاتهم في مهمة سرية يقومون فيها بمحاربة وتدمير المتميزين منهم‏,‏ وهم بهذا يرتكبون جريمتين في وقت واحدا‏!‏

سألته‏:‏ كيف؟‏!‏
قال‏:‏ أولا هم يقضون علي زميل لهم وثانيا لأنهم مشغولون بالحقد والتبديد لهذا الزميل‏,‏ فهم يبددون بذلك طاقاتهم هم أنفسهم والخاسر في النهاية هو المجتمع العلمي في مصر‏...‏ الحقيقة انتم لا تحتاجون إلي أعداء فانتم افضل اعداء لأنفسكم‏!‏

سألت‏:‏ والحل؟‏!‏
قال‏:‏ أنا الذي أسألك عن الحل‏..‏ انت مصري ولابد أن تعرف الحل؟
قلت‏:‏ الحل هو ما نفعله أنت وأنا الآن‏..‏

سأل‏:‏ كيف؟
قلت‏:‏ أنت الآن كشفت هذه الحرب السرية وما يفعله هؤلاء الحاقدون بزملائهم المتميزين‏,‏ وأنا بدوري سأكتب ليعرف الناس ما يحدث في الظلام مع المتفوقين النابغين‏!‏
رد وفي صوته بعض الارتياح‏:‏

ــ وهل هذا يكفي؟‏!‏
قلت ــ لا يكفي‏...‏ لكنها بداية الحل‏!‏

6 اكتوبر ... يوم الكرامه

2008-10-06T07:32:00.003+02:00

6 اكتوبر ... يوم الكرامه

يعني الواحد مفروض يحس بالفخر و السعاده .....

طيب ليه مش حاسس بكده؟

طيب ليه اليوم دا بيعمق فيا احساس عنيف بالحزن و الشجن.. ؟!

دورت جوايه ملقيتشي غير جواب واحد...

لقيت ان لأن اليوم دا بيفكرني اننا كان لينا كرامه ....

و كان لينا ايام نفخر قيها بقوميتنا و مصريتنا ....

لكن دلوقتي لينا ايه؟

لينا ايه ؟ و احنا مين؟

و يا لسخرية المعاني ... ذكرى الكرامه ... بتزود احساسنا بالمهانه ...

كلنا هذا الرجل

2008-03-20T11:17:00.003+02:00

منقولة من جريدة البديل

المصري اليوم ام البديل

2008-03-20T02:54:00.003+02:00

موضوع مهم ليا شخصيا و لآلاف من اعضاء هيئات التدريس في الجامعات المصرية و معاونيهم.
تعديل اجور اعضاء هيئة التدريس بالجامعات
لكن مش دا اللي لفت انتباهي
اللي لفت انتباهي ان نفس الخبر اتكتب بطريقتين مختلفتين في نفس الوقت
تناول الخبر يعرفك انك ابدا متثقشي في خبر تقراه او تسمعه غير متعرف اكتر و تحكم بنفسك
انك متاخدشي و الا تتبنى وجهة نظر كاتب الخبر, لأن ببساطه ممكن يكون بيتوهك او بيوجهك عشان اجندة شخصيه
اقرو الخبر و احكمو:
----------------------------------------------------------------------------------------------
الاول في المصري اليوم:
«نظيف» يقر زيادة «دخول الأساتذة المشروطة».. والصرف أول يوليو المقبل

كتب أبوالسعود محمد ١٩/٣/٢٠٠٨

أقر الدكتور أحمد نظيف، رئيس مجلس الوزراء، أمس، ورقة زيادة دخول أعضاء هيئة تدريس الجامعات، التي أعدتها لجان تحسين أوضاع الأساتذة بوزارة التعليم العالي مؤخرا.

تضمنت الورقة زيادة دخول شباب الباحثين من المعيدين والمدرسين المساعدين بمقدار ٣٠٠ جنيه كبدل بحث لكل منهم دون شروط، وزيادة باقي الأساتذة ببدلات مشروطة، بحيث يحصل الأستاذ علي ٢٠٠٠ جنيه بحد أقصي، والأستاذ المساعد ١٥٠٠ جنيه، والمدرس ١٢٥٠ جنيهاً، ويتفاوت الحصول علي هذه البدلات حسب نشاط كل منهم في أعمال الجامعة المختلفة.

وقال الدكتور مغاوري دياب، رئيس نادي أعضاء هيئة تدريس جامعة المنوفية، إن د. نظيف وافق علي ورقة اللجان ومقترحاتها، مؤكدا أن تحسين أوضاع الأساتذة هو المدخل الرئيسي لتحسين أوضاع الجامعات.

وأشار «دياب» إلي أن رئيس مجلس الوزراء أخبرهم، أثناء الاجتماع برؤساء الجامعات والنوادي بالقرية الذكية، بإعادة النظر في زيادة دخول الأساتذة فوق السبعين، بحيث تزيد علي ٨٠% من آخر راتب حصلوا عليه، مشددا علي أن هذه الزيادات سيتم صرفها خلال أيام عقب إقرارها من مجلس الشعب مباشرة.

وأضاف أن نظيف أعلن أن زيادة دخول شباب الباحثين وباقي الأساتذة سيتم صرفها بداية يوليو المقبل مع الميزانية الجديدة.

ووصف رؤساء النوادي لقاء نظيف بـ«اللقاء الطيب»، وقال الدكتور عادل عبدالجواد، رئيس نادي تدريس جامعة القاهرة، إن إقرار نظيف مقترحات اللجان خطوة علي طريق تحسين أوضاع الأساتذة، خاصة أنه أخبرهم بأن الزيادة مرحلة أولي تتبعها مرحلة أخري حتي يتم الوصول إلي تعديل شامل لجدول الرواتب.

من جانب آخر، تجتمع لجنة إضراب الأساتذة اليوم لوضع الخطوط النهائية لإضراب يوم ٢٣ مارس. وقال الدكتور طارق الدسوقي، المتحدث الرسمي باسم اللجنة، إن ما أقره الدكتور نظيف لا يحقق الحد الأدني لمطالب أعضاء هيئة التدريس، مشيرا إلي أن طريقة الزيادة بهذا الشكل تعتبر أمراً مهيناً لأعضاء التدريس.

وأوضح أن المكافآت التي أقرها رئيس مجلس الوزراء ستكون مكافآت عارضة، لا يستفيد منها إلا بعض أعضاء التدريس الذين ترغب الحكومة في منحهم الزيادات.

كلام جميل: نظيف بيحاول يساعدنا بس احنا راكبين دماغنا و معاندين ..... دا معنى الخبر هنا

تعالو بقا نشوف البديل:
------------------------------------------------------------------------------------------------

نظيف يرفض تعديل هيكل رواتب أساتذة الجامعات

19/03/2008

رئيس الوزراء يبرر الرفض بعدم «استثارة الفئات الأخري».. والدسوقي يؤكد: «لا فصال في الإضراب»

دعاء عبدالمنعم
أعلن الدكتور أحمد نظيف ـ رئيس مجلس الوزراء ـ رفضه تعديل هيكل أجور أساتذة الجامعات، وقال: «لن نعدل هيكل الأجور حتي لا تستثار فئات المجتمع الأخري». وقال نظيف، خلال اجتماع استمر ساعة وربع الساعة أمس، مع رؤساء الجامعات ونوادي أعضاء هيئات التدريس في القرية الذكية، إن الزيادات في الرواتب قائمة لكنها ستكون في شكل مكافآت مشروطة استناداً إلي ضمانات. وأضاف: إن الدولة تتفهم سوء الأوضاع المادية لأعضاء هيئات التدريس وستمد لهم يد العون، مقابل أن يساعدوا الدولة بتنمية بحوثهم وخدمة المجتمع وتنمية البيئة. من ناحيته، قال الدكتور المغاوري دياب ـ رئيس نادي أعضاء هيئة تدريس جامعة المنوفية ـ إن رئيس الوزراء أكد في الاجتماع أنه سيتم إقرار تعديلات طالبنا بها في بداية يوليو القادم. وأعلن الدكتور طارق الدسوقي ـ المتحدث الرسمي باسم اللجنة التنسيقية للإضراب المقرر في 23 مارس ـ أن اللجنة تعقد مؤتمراً صحفياً اليوم لإعلان خطواتها القادمة، مؤكداً أن «الإضراب» لا فصال فيه. وقال الدكتور يحيي القزاز ـ الأستاذ في كلية علوم حلوان ـ إن رئاسة الوزراء عدلت في 13 فبراير الماضي هيكل أجور البنك المصري لتنمية الصادرات، ليكون أساس الوظائف الإدارية العليا 30 ألف جنيه كحد أقصي، و20 ألفا كحد أدني وللسكرتارية 2400 جنيه وبحد أدني 1200 جنيه، وفقاً للقرار 410 لسنة 2008. وأضاف القزاز: القرار منشور في العدد «6» مكرر من الجريدة الرسمية، دون أن تستثار فئات المجتمع الأخري، فلماذا يستثيرهم تعديل هيكل أجور أساتذة الجامعات؟!

اااه فهمتم بقا الموضوع ...

نار الاسعار .... (مصر ام الدنيا في كل حاجه)

2008-03-13T00:53:00.001+02:00

في مصر

من جديد»، رفعت مجموعة عز الدخيلة أسعار حديد التسليح ٣٧٠ جنيها في الطن، ليصل سعره إلي ٤١٧٠ جنيها «تسليم المصنع»، ويصل إلي المستهلك بسعر ٤٨٠٠ جنيه شاملا الضريبة، حسب تأكيدات تجار مواد البناء.

وأرجعت المجموعة الزيادة الجديدة إلي ارتفاع التكلفة، وقال سمير نعمان المدير التجاري للمجموعة: إن أسعار الخام والبليت ارتفعت عالميا من جديد.

وأكد علاء بسيوني، سكرتير عام الشعبة العامة للاستثمار العقاري، أن زيادات أسعار الحديد رفعت مساهمته في تكلفة المباني من ١٧% إلي ٢٤% خلال عام واحد فقط.

من جهته، توقع المهندس علاء أبوالخير، العضو المنتدب لمجموعة عز الدخيلة، استمرار هذه الزيادات، وقال إن الزيادة في أسعار خام الحديد عالميا خلال ٢٠٠٨، لن تقل بأي حال عن ٥٠% علي الأقل،

وأضاف أن الزيادة النهائية مرهونة حاليا بمفاوضات جارية بين أهم موردي خام الحديد، خاصة من البرازيل وأستراليا، إلي جانب أهم المنتجين في أوروبا والصين واليابان، وقال: تسري هذه الزيادات فور إقرارها بأثر رجعي عن كل طن من الخام، يتم توريده، اعتبارا من أول يناير ٢٠٠٨.

ودافع أبوالخير عن الزيادات الجديدة، وقال إن إدارة المجموعة لم تجد مفرا من إقرار زيادة سعرية جديدة تبلغ ٣٧٠ جنيها للطن، اعتبارا من أول فبراير، تفاديا لخسائر قد تصل إلي ٤٦٠ جنيها لكل طن إذا استمرت بنفس أسعارها السابقة.

من جهة أخري، وجه مصدر حكومي علي صلة بالحزب الوطني، انتقادات عنيفة للدولة والحزب، وقال: «من المفترض أن يحمي الحزب الحاكم المواطنين من الغلاء».

وأضاف: الرأي العام ـ مع الأسف ـ لديه اعتقاد أن هناك شبهة تلاعب ومبالغة في رفع أسعار الحديد، ويغذي ذلك تأكيدات الخبراء المحايدين، معتبرا أن هذا الوضع يسيء إلي الحزب وجماهيريته كون أمين التنظيم بالحزب، هو نفسه المهندس أحمد عز.

------------------------------------------------------------------------------------------------

في مصر برضه

و قال الرئيس مبارك فى حديثه لوكالة الأنباء الاسبانية وصحف (البيريوديكو) و(البابس) و( أ ب س) الاسبانية حول كيفية مواجهة ارتفاع الأسعار وتأثيرها على محدودي الدخل وعن كيفية مواجهة ارتفاع الأسعار وتأثيرها على محدودي الدخل إن ارتفاع الأسعار أصبح ظاهرة في كل دول العالم، بما في ذلك أسبانيا وباقي دول الاتحاد الأوروبي،

و أضاف الرئيس في هذا الصدد أن السوق العالمي تشهد منذ العامين الماضيين ارتفاعا غير مسبوق في أسعار السلع الغذائية .

وأضاف الرئيس المصري : (ارتفعت أسعار القمح خلال العام الماضي من 290 إلى ما يزيد عن 400 دولار للطن وشهدت السوق العالمية ارتفاعا مماثلا في أسعار زيت الطعام والذرة واللحوم والألبان وغيرها نتيجة لتزايد الطلب العالمي وزيادة التوجه لاستخدام محاصيل غذائية كالقمح والذرة وقصب السكر في إنتاج الوقود الحيوي (الميثانول) بعد ارتفاع أسعار البترول.

وقال مبارك: (نحن في مصر نولي أولوية خاصة لحماية محدودي الدخل من ارتفاع أسعار المعيشة بوجه عام وأسعار الغذاء بوجه خاص وأن مخصصات دعم المواد الغذائية في ازدياد مستمر رغم ما تمثله من ضغوط على الموازنة العامة للدولة).

------------------------------------------------------------------------------------------------------------------------------------------

بره مصر بقا الموضوع اي كلام.... ناس فاضيه

اتخذت وزارة الاقتصاد «الإماراتية» موقفاً حازماً من شركة «أمريكانا» وفرضت عليها غرامة فورية، بسبب قيام الشركة بزيادة أسعار الوجبات السريعة التي تقدمها بنسبة ١١%، دون الرجوع إلي اللجنة العليا لحماية المستهلك، التي رفضت الزيادة، وحركت وزارة الاقتصاد ضد الشركة.

وقالت إدارة حماية المستهلك بوزارة الاقتصاد الإماراتية- في بيان لها- إن قرار التغريم جاء كرد فوري علي عدم التزام الشركة بالأسعار المحددة، والمتفق عليها، وتجاهلها الإنذار الذي وجهته لها «حماية المستهلك» بالعودة إلي الأسعار القديمة، وعدم اللجوء إلي زيادة أسعار منتجاتها.

واعتبر البيان أن قرار «أمريكانا» زيادة أسعار منتجاتها مخالفة صارخة للقانون الاتحادي بشأن حماية المستهلك ولوائحه التنفيذية.

وتتواجد «أمريكانا» في السوق المصرية بكثافة وتضم سلسلة مطاعم «بيتزا هت»، و«كنتاكي»، و«دجاج تكا»، و«جراند كافيه»، ومطاعم «فيش ماركت»، إلي جانب منتجاتها من اللحوم المجمدة.

كانت أسعار معظم السلع والخدمات في الإمارات قد ارتفعت بشكل ملحوظ خلال العامين الأخيرين، مما دفع الحكومة الإماراتية للتدخل السريع والحازم، بدأته بزيادة في أجور الموظفين الحكوميين بنسبة ٧٠% لمواجهة الغلاء،

وأطلقت تحذيرات قوية للتجار والمستوردين من أي زيادات غير مبررة في أسعار السلع والخدمات، بعد إعلان زيادة الأجور، وانتهت إلي تطبيق قانون حماية المستهلك بشكل حازم لضبط الأسواق، ومواجهة استغلال موجة الغلاء العام بزيادات غير مبررة في الأسعار.
----------------------------------------------------------------------------------------------------------------------------------------

شكرا لحسن استماعكم

مصر رحلت من عينين المصريين

2007-07-07T09:14:00.000+03:00

دقق في الملامح .. بص في العينين

زمان كنت تشوف مصر في عينين المصريين

مصر الشرف و الكرامة و الناس الطيبين
دلوقتي حتى هما مش عارفين لفين رايحيين

عايشين و مش عايشين
شباب لكن مش فايقين
شباب مصر .. الرجولة .. الفتوة معدوش موجودين
فاكر زمان؟
فاكر المكان؟

لا الزمان هوا الزمان
حتى المكان غير المكان
ضلمة و خنقه و ايدين بتسرق الكحل ملعين
صدقني لو قلتلك .. حنيت للحرب و الناس الميتين
صدقني لو قلتلك .. فيهم روح اكتر من كتير عايشين
في زمنا دا قاعدين .. ساكتين
تفتكر لو جانا زمان زي زمان؟
و هجم علينا الجبان؟
هتلاقي شاب زمان؟
هتلاقي قلب زمان؟
هتلاقي حد يرمي نفسه في النارمن غير متطلبه
هتلاقي اب يبعت ولاده عشان الارض الطيبه
معلشي يا بلدنا يا بلد
يلي فيك دلوقتي الولد
بيقتل امه
و كمان ابوه و يمكن عمه
عشان مزاجه يتظبط .. او رزمتين ورق
و يظبط البنطلون ... من غير حزام ولا لون
و شايف الحياة كدا اخر انسجام
من غير تعب من غير عرق
او شباب واكلين
العيش متغمس في الطين
و الامل في القلب اتحرق
والحياة لونها اتسرق
و يلومو على الاخ و الصديق
على الحظ و ساعات الطريق
صدقني يا اخويا
يا مصري يا حقيق
العينين معدتشي العينين
و مصر رحلت من عينين المصريين

نظرية المؤامرة : مسلسل فريندز FRIENDS

2006-08-03T00:34:00.000+03:00

Try to imagine what they want us to see ... to think ... to belive

Ross : is the jew member ... he is the most educated (he is interested in archeology ... remember that it involves alot of digging to uncover the truth) ... most pationate ... white hearted ... children loving ... willing to commit in relationships ... alwayse get fooled by poeple (mostly women) who take advantage of his nobility and leave him heart broken ... however he is always there for his friends whenever they need his help ... he is love with Rachel ...

Rachel : she is christiane ... rich ... spoiled ... falls in love for the handsome ... white hearted Ross, however she always treat him in a way that hurts him ... their relation has alot of ups & downs (which is mostly ratchels fault)

Monica : she is Ross's sister however they dont mention any thing about her being jewish ... she is an obbsesive person that always depends on ratchel some how.

Joe : even if he is handsome but he is dum , stupid ,un educated . he only thinks about sex & food ... nothing more ... remember he is half italian

shandler : Ross's friend & also joe's friend ..... but remember he is second best to ross al the time .... but he is superior in joe in many ways .... he is well dressesd and works in a prestigeous yet desk job that needs not alot of intelegence , ambition or skills

try to match these characters to countries in our world ... try to imagine that their personal relationships are acctualy diplomatic relationships .... their critera as criteria the makers of such series want us to visualize in these countries ..... WHAT DO YOU SEE ... of course i want to advice you ... DONT BELIEVE WHAT THEY WANT YOU TO BELIEVE

هل نحن نائمين ؟!؟!؟

2006-05-14T13:03:00.000+03:00

من القصص القصيرة للأديب الراحل يوسف إدريس قصة المرتبة المقعرة ،

وتدور حول رجل يري العالم فاسدًا ومتوحشًا، فقرر أن ينعزل عنه حتي يتغير..

نام الرجل علي سريره وطلب من زوجته ألا توقظه إلا إذا تغير العالم.
نام ساعة ثم استيقظ وسألها: هل تغير العالم؟.. فنظرت من النافذة وأجابت: لم يتغير العالم بعد..

نام يومًا واستيقظ وسألها نفس السؤال: هل تغير العالم؟.. فنظرت من النافذة وقالت: لم يتغير العالم بعد..

ظل ينام ويستيقظ ويسأل فتنظر زوجته من النافذة وتجيب بنفس الكلمات..

وتدريجيا بدأت مرتبة السرير تهبط وتتقعر حول جسده..

وبعد أن نام شهرًا وسنة، دون أن يتغير العالم، تحولت المرتبة إلي كفن حول جسده ومات..

وهنا رفعت الزوجة نظرها عن النافذة، ونظرت إليه وهو في كفنه.. وقالت: الآن تغير العالم!

قصة قاسية فعلا و عميقة فعلا ...... لعلها تهزني او تهزك .... و تذكر ان النوم لا يكون دائما في السرير .... قد تكون نائما على كمبيوترك الان او على مكتبك ... و قد تكون نائما متقوقعا داخل تلافيف مخك .... تصور.. عقلك قد يصبح كفنك !!!!

مصر أم الدنيا !!!!!

2006-04-14T11:38:00.000+02:00

من ساعة معينينا فتحت على الدنيا و احنا بنسمع ان بلدنا مصر دي أم الدنيا
كنا بننبسط قوي قوي من غير منعرف ام الدنيا دي يعني ايه... كنا بنحس انها اكيد معناها حلو ... معناها انها عظيمة و كبيرة .... و احيانا كمان قوية .....
كان لينا حق... لأننا كنا نعرف عن مصر انها بلد الاهرام و الفراعنه ...... يبقة عريقة و تاريخها عظيم.....
كنا نعرف ان فيها النيل و اسكندرية عروسة البحر الابيض و عبد الحليم و ام كلثوم ....... يبقة جميله و حلوه و غندورة .....
كنا زمان ايام حرب .... و شرق و غرب .... و كنا بنحاول ننتصر ... و انتصرنا عبرنا القناة ........ يبقة قوية و أبية و عظيمة ......

كنا بنقول مصر ام الدنيا و بنصدق عشان كل الحاجات دي ... لكن دلوقتي ... لو قلتلي مصر ام الدنيا ... هقلك لحظة من فضلك !!!! ليه !؟؟!!؟ قلي مصر ام الدنيا لية !؟!؟!؟

بلد السحابة السودا .... و الزبالة اللي مالية الشوارع ... و الشحاتين اللي بقو اكتر من الناس اللي ماشيين في الشوارع
بلد صفر المونديال .... و صفر التعليم .... و صفر التصنيع ......
بلد التطبيع مع اسرائيل ..... و التخلي عن القدس ...... و الضرب على القفا لما ورمنا و بنقول كمان.....
بلد التطنيش و التهبيش .... و الفيديو كليب الللي مليان تضبيش ......
بلد مفيش حد عاملها حساب لا غربي و الا افريقي و الا حتى عربي ..........

لو هتقولولي انها ام الدنيا عشان حلوة او قوية او عظيمة .... هقولكم ... كان زمان ....
الدنيا دلوقتي في مصر سودا .... يمكن اكون غلطان و عاوز حد يفهمني ... عاوز حد يبيض الصورة شوية
و يا تقنعني يا اقنعك ..... اوك ... ماشي اساسا احنا كدا متفقين ... انتا مقنعتنيش لغاية دووقتي ( من منولوج لعادل الفار)

كتفك يا استاذ ... وسع شوية يا محترم

2006-04-14T11:03:00.000+02:00

اتأخرت كتير في عمايل بلوج ..... كنت مشغول .... كنت مسؤول .... و كنت عاوز ابدأ بداية جامدة ...

النهارده اول بوست ليا بين الناس هنا ... و لسه برضه مشغول ...و مسؤول .. و مش هبدأ بحاجة كبيرة و لا يحزنون ....

اكتشفت ان مفيش حاجه من اللي انا مستنيها هتحصل ... يا ريتني بدأت من بدري ... يمكن كنت استريحت شوية (مع اني مش عارف انا كدا هستريح و الا لأ !؟؟!؟!؟!) بادي في موضوع الانترنت من حوالي 12 سنه .... ايام مكانت فاضيااااا خالص... خصوصا من الناس الللي بيكتبو بالعربي زيي كدا.... و مكنشي فيه حاجه اساسا اسمها تدوين (بلوجز) .... و دلوقتي مع اني اساسا قديم على النت ... لكن جديد في وسط كل الناس اللس بقو وحوش في التدوين ....

معلشي يا جماعه ... انا عارف ان الدنيا زحمه ... بس نساع بعضينا ... كتفك يا استاذ ... وسع شوية يا محترم ... يا انسه معلشي شويه لورا ... ايوة ... شكرا ....

انا جي و كل اللي عاوزه نفكر شوية مع بعض ... بلاش شغل التيك اواي اللي ضيعنا دة ... عاوزين ناخد كام دقيقة نفكر مع بعض... في ايه !!!؟؟؟ في خبر ... في كلمة ... في تجربة ... في قصيدة او حتى خاطره ..... عاوزين نساعد بعض ان يبقى لينا فكر ... لينا شخصية ... لينا رأي ..... كل واحد بطريقته ... كل واحد مستقل ... لكن متفاعل مع الجميع .... يا رب تكونو فهمتوني ... احسن انا احتمال اساسا مكنشي فاهم نفسيي

فـــــكــــــر شـــويــــــــة

أسئله عسكريه مصريه

كلمة السر: الداخليه

الجماعه و الا الحزب - الحزب و الا الجماعه؟

يعني ايه مجلس عسكري؟

مصر جديده

لو علمتم الغيب لأخترتم الواقع

مصر كسبت .... اوعى البنج

Windows to the World

وطــــن مفـــــروش

رمضان شهر القران

غلب و الا نداله يا عمي يا ابنودي؟

بس أه لو تسمعيني

مسلسل حلو : The Mentalist

الرحله

مصر .. مصر .. تحيا مصر

تدوينه شخصيه تاريخيه فاصله

زيد ........ لماذا تقتل؟

...........................و شـــكــــــرا

محدش عارف الخير فين

ساعد غزة بايجابية احرم رئيس اسرائيل من اهم انجازاته

We Will Not Go Down In The Night Without A Fight

الجيش العربى فين؟

I Cannot believe it, I am speechless !!!!!!

كلمة حق في وجه سلطان ظالم

الحقــد العـــام‏!‏ (ان الله لا يغير ما بقوم حتى يغيرو ما بانفسهم) كفايه حقد

الحقــد العـــام‏!‏بقلم : د‏.‏ وجدي زيد

6 اكتوبر ... يوم الكرامه

كلنا هذا الرجل

المصري اليوم ام البديل

نار الاسعار .... (مصر ام الدنيا في كل حاجه)

مصر رحلت من عينين المصريين

نظرية المؤامرة : مسلسل فريندز FRIENDS

هل نحن نائمين ؟!؟!؟

مصر أم الدنيا !!!!!

كتفك يا استاذ ... وسع شوية يا محترم

الحقــد العـــام‏!‏
بقلم : د‏.‏ وجدي زيد