السبت، يونيو 22، 2013

لماذا يبدع المصريين في الخارج ... السؤال الممل

انا عارف ان السؤال ممل و قديم و الاجابه برضه قديمه. موضوع ان بيتوفرلهم الامكانيات و محدش بيحبطهم و المعوقات بتقل .... و و و و  ... كل دا جميل بس بيتناول ناحيه واحده من الموضوع . مش عاوز اتكلم عنها المره دي. و مش عاوز كمان أأكد ان مش كل المصريين اللي بينجحو بره بيبقو من غير معوقات او اشخاص سمجين بيحاولو يحبطوهم. الغباء في كل مكان.

الناحيه التانيه اللي انا عاوز اتكلم عنها هي الحياة خارج العمل. بمعنى ان المصري بطبعه صاحب مزاج. و عطشفي و حساس ههههههههه. يعني لو ظبطله مزاجه و بسطه بره الشغل يديك احسن شغل (بلاش مخكو يروح لبعيد). اللي اقصده هو طبيعة الحياة اللي بتدي للبني ادم حقه الطبيعي في:
1- الهدوء
2- الطمأنينه
3- الاستمتاع
4- الطبيعه الجميله
5- عدم الخوف من انتقاد الاخر بدون وجه حق
6- العدل و الحريه
الخ الخ الخ
خلو الصور تتكلم
هدوء و استرخاء (فايتشوشهايم) بس
ليه تقعد لما ممكن تمدد في الطبيعه ؟ (فورتسبورج) بس

اولادك بيلعبو

 مطمن عليهم في ملعب ببلاش في احضان الطبيعه (شفاينفورت ) بس

العاب جميله متينه امنه مصانه


جلسه مطعم في احضان الخضره (ميونخ) بس

 مش معنى انك في وسط البلد و اثار ان ميبقاش في عنايه بالخضره و الطبيعه (مارين بلاتز - ميونخ) بس

طب حوالين مباني الشغل تراب ؟ و الا خضره و مساحات خضرا (معهد الفلسفه - فورتسبورج) بس

 و الطبيعه مصانه حتى الطيور و الحيوانات حاسه بالامان

الامان و تحمل المسؤوليه... تحسها حواليك... الطريق الصغير دا اخر النور فيه  هنا ﻷنه مش مستخدم قوي عشان كدا على اخر عمود نور بيقولك خد بالك باليل مفيش نور و تمشي على مسؤولييتك و خد بالك. حرام مش كدا؟

ظاهرة انك تمشي حافي عشان فيه نظريه بتقول ان دا صحي من ان ﻷخر .. و محدش هيستغرب و محدش هيضحك او يضايقك ... كله في حاله و في مزاجه ... مالم تضر طبعا

ايه المشكله اني ازرع قدام بيتي ورد عشان انا انبسط و الناس تنبسط

ايه المشكله ازرع فوق السطح نباتات و ازهار عشان اقلل الحر و اجمل المكان؟

كل فتره لما الوقت بيبقى مناسب نعمل احتفال او كرنفال في الشارع من غير ازعاج نخلي الناس تشتري و تبيع و تنبسطالاطفال ليهم حق في الثقافه كمان مش بس لعب و مرح لا مسرح و برامج... اكبر مسرح في فورتسبورج .. مبينساش الاطفال و لازم حفله مسليه و تثقيفيه بكل ما جنبها من عروض او مكملات

ايوه ... سعاد حسني وصل هنا و الحياه ممكن يبقى لونها بمبي و تخلي كل حاجه في عربيتك بمبي من غير متقلق ... انت حر و مبسوط... استمر


اقعد في وسط الناس ... و سط الطبيعه ... النسيم و الاسترخاءكل حاجه مجهزه و معده و كورنيشك موجود

عارف ... حتى جوه المستشفى فيه ورد عشان تنبسط


على النهر كل شيء معد عشان تيجي ... تعالى بقا!!

تيجي مشي ماشي ... عجله ماشي ... عربيه ممكن ... المهم تعالى

متفوتشي فرصة الطبيعه و الخدمات ... انت انسان و تستاهل تنبسط و تستمتع (فايتشوشهايم) بس
-----------------------------
لماذا يبدع المصريين في الخارج .... اسباب اخرى

الجمعة، يونيو 21، 2013

لماذا يغضب الاسلامييون؟







هل غضب الاسلامييون لكشوفات العذريه؟
لا
هل غضب الاسلامييون لكشف عورة المرأه و الرجل في ميدان التحرير و غيرها؟
لا
هل غضب الاسلامييون لاعتقال ثوار بدون وجه حق في وجه حكومه ديكتاتوريه؟
لا
هل غضب الاسلامييون لتعذيب و قتل ثوار من اجهزه قمعيه في ظل تراجع لمستوى المد الثوري في البلد؟
لا
هل غضب الاسلامييون لضياع حق الشهداء و ترقية الفسده و تكريم القتله من رئيس اسلامي مزعوم؟
لا
هل غضب الاسلاميون لانفراد بالسلطه و اخلاف العهود و كذب في الكلام؟
لا
هل غضب الاسلامييون لاعلان اوباما القدس عاصمه لاسرائيل؟
لا
هل غضب الاسلامييون لاقرار قرض يرونه ربوي و يرون الربا من الكبائر؟
لا
هل غضب الاسلامييون لرئيس يحتفي بالعدو الصهيوني و يخاطبه بأعز و ارفع الالقاب؟
لا
-----------------------------------------------
الواقع الان:
ادرك الشارع ان من يحكمونهم من فصيل يتسمى بالاسلام و يتظاهر بالشرف و الاخلاق انهم ما هم الا نظام قديم بذقن .. و لكنه حتى اكثر شراسه و اكثر طمعا و اعظم ظلما فبدأ التململ و الضجر .. و جاءت حركة تمرد, اتفقنا او اختلفنا مع جدواها و قانونيتها فأراقت بنزين الثوره على مشاعر الظلم في الشعب .. و اندلعت النار من اقصى البلاد الى اقصاها. فرح الفلول بأن خلفائهم لم يستقر لهم الحكم و عزمو على الانضمام لصفوف المتمردين طمعا في العوده الى منصب الحكم. حاول الاخوان الرجوع الى الفصائل الاسلاميه الاخرى و ذلك لتاكل قاعدتهم الفعليه في المجتمع. لكنهم لم يجدو استجابه كافيه منهم و ذلك لأنهم احسو بان الاخوان لا يمثلون دينا و لا يرعون عهدا او وعدا حتى لهم شخصيا.
و فجأه....
و بدأت سلسله من الاعتداءات الموجهه نحو اشخاص يجمعهم المظهر السلفي التقليدي , نساء و رجال ... كان من نتيجة ذلك استنفار السلفيين و بدئهم تغيير رأيهم بالنسبه لدعمهم للاخوان ... خوفا على انفسهم من استهداف متوقع اذا خرج الاخوان من السلطه. السؤال المياشر: من المستفيد من هذا الموقف؟ الاجابه المنطقيه الاخوان. عاد السلفيين لحظيرة الدفاع عن الحكم الاخواني بعدما رأو رأي العين مثلا لما قد يحصل من استهداف مزعوم لهم.
-------------------------------------------
عزيزي السلفي... بعد مراجعتك للأسئله المتقدمه ... و مراجعتك للتحليل الموضوعي للمستفيد الوحيد من مهاجمتك في مثل هذا الوقت .. .. اما ان لك الاوان لتراجع مواقفك من الشارع و من الاخوان؟ و من الله؟ و تغضب لوجه الله و ليس لمصلحة شخصيه او قشور دينيه؟