الثلاثاء، مايو 29، 2012

جوه و بره

 ... متصدقشي اللي يقولك كل واحد يعمل الصح في مكانه و البلد هتبقى كويسه .... الهرم بيتبني من تحت
و برضه متصدقشي اللي يقولك  مطالب الثوره العامه هي الاساس و لازم الهرم ينضف من فوق.... الاتنين يا اما كذابين يا اما الصوره مش وصلاهم صح
شغلك و بيتك و شارعك و مدينتك العمل فيه و تصليحه ... لا بيتعارض و لا بيتأثر بانك برضه تركز في تحقيق مطالب الثوره العامه : عيش ... حريه .... كرامه انسانيه

الاثنين، مايو 28، 2012

تساؤلات


كنت فاكر ان موسي و شفيق حله و غطاها, بس اظاهر ان فيه جبهات داخل النظام. موسى مخابرات+فلول , شفيق عسكري جيش ‎
دا واضح من سلاسة و ذكاء حملة الاول ... و غشومية و غباء حملة التاني
العبره بالنهايه و اعتقد ممكن في اي وقت موسى ينزل باراشوت و شفيق ييطير

و هيفضل  مرسي هوا احسن واحد يقوم  بدور المحلل ... بس انا مش عارف ازاي ممكن يجيبو موسى من غير ميعدو على حمدين  او ابو الفتوح؟
نرجع و نقول مش فارقه مين اللي ينجح ... لأن السلطه الفعليه مقيده بالدستور و القوانين التي يفصلونها كيفما يشاؤون ... و السلطه الفعليه نابعه من القوه الفعليه ... قوة السلاح و الاعلام.

الجمعة، مايو 18، 2012

هل تعلم .... عن انتخابات 2012 الرئاسيه نتحدث


  • هل تعلم ان عدد كبير ممن قالو يوما لا انتخابات و لا دستور تحت حكم العسكر و اشادو بانسحاب البرادعي مما سموه المسرحيه الهزليه هم مشاركون ناشطون في حملات انتخابيه للمرشحين الرئاسيين.

  • هل تعلم ان العمليه الانتخابيه في الخارج لا تخضع لأي رقابه قضائيه و انما يقوم بها موظفو السفارات العاديين التابعين مباشرة لحكومة الجنزوري التابع مباشرة للعسكري
  • هل تعلم ان كل المرشحين الرئاسيين لا يعرفون صلاحياتهم اذا نجحو كرئيس للجمهوريه لأنها لم تحدد بعد

  • هل تعلم ان هؤلاء اما مقسمون بين حمدين صباحي او ابو الفتوح و السبب واحد: لأنهم يكرهون الاخوان
  • هل تعلم انه في حالة عدم عبور ابو الفتوح و صباحي للمرحله الاولى سيبدو هذا منطقيا و سيكون العذر تفتت الاصوات .
  • هل تعلم اما في حالة اعادة موسى مع مرسي فسينتخب كل الناس موسى: اما كرها في الاخوان او منعا لهم من التكويش على السلطه

  • هل تعلم ان يوجد كتله تصويتيه ضخمه غير منقسمه و موجهه فقط لموسى ... هي كتلة الاموات المسجلين في الانتخابات.
  • ان عدد المصريين المصوتين في كل دول العالم اقل من لجنة شبرا
  • هل تعلم ان فرص نجاح موسى في الانتخابات هي الاكبر 
  • هل تعلم ان لما موسى يبقى رئيس يبقى رجعنا نقطة الصفر
  • هل تعلم ان لو اهبل من اللي شاركو في الانتخابات حاول يعمل مظاهره ضد النتيجه فلن يتصدى له الجيش .. و لا الشرطه .. ابسوليوتلي... المواطنون البسطاء هيجيبوه بالشبشب

  • هل تعلم انني مازلت متفائل لكن ليس بالانتخابات و لكن بما سيحدث خلال عامين من الانتخابات.

الأحد، مايو 13، 2012

السيناريو



  • من يريد العسكري؟ عمرو موسى ..
  •   اذا لماذا دفع بشفيق؟... تمويه حتى يبعد العين عن مكان ضربته الفعلي ...
  •  هل سيزور تزويرا فاضحا؟ .... لا.....
  •  لماذا؟.... لأنه لا يريد ان يوقظ الشعب الغافل في 70 نومه ....
  • اذا ما البديل؟ تفتيت الاصوات و الضرب في كل المرشحين حتى يصبح من الطبيعي تقارب عدد اصوات اي منهم مع عمرو في الاعاده.....
  • اذا في الاعاده سيلتف الجميع ضد عمرو؟ ..... هذا ما يحاول هو ان يبحث له عن مخرج بأن يوقع التيارات في بعضها البعض لدرجة ان يصل بهم الحال الى انتخاب الفلول ضد مرشح التيار الاخر.... و الدليل ان هذا ما يقال الان عن مرشح الاخوان .....
  •  ان لم ينجح العسكري في الشرذمه الكافيه للوصول لذلك؟ .... سيكون البديل  هو تزوير فاضح ....
  • الن يؤدي ذلك الى استيقاظ الناس؟ نعم ..... و عندها تبدأ الموجه الحمراء من الثوره ...
  • .... اذا طريقين لا ثالث لهما .... اما رجوع للنظام السابق عن طريق موسى .... او موجه جديده بدون قفازات

السبت، مايو 12، 2012

اخرج من البيبان و هد الجدران يا مصري = عن انتخابات هزليه نتحدث


مبدأيا .... انا ضد الانتخابات ... من منطلق اني ضد اللعب مع واحد في لعبه هوا واضع قوانينها و مختار ملعبها و كمان بيحكم فيها ... ووقت اللزوم عنده كمان استعداد انه يضرب القواعد بتاعته شخصيا و يقلب الترابيزه لو شك انه ممكن يخسر .... انا بس عاوز اوضح ان موضوع ان فعلا قد لا يكون ابو الفتوح هو المرشح المفضل من قبل هذا اللاعب ... و لذلك بدأ تقسيم الاصوات عن طريق خالد علي ..... و الان عن طريق حمدين ... اللعب في الاضاءه ... و المؤثرات الضوئيه من اهم ادوات المخرج ..... و هذا هو ما يحدث الان ... و انا هنا لا ادعو لأنتخاب ابو الفتوح لأنني اعرف ان المخرج و صاحب الصاله و المنتج .... اذا اردنا ان نغير نهاية الروايه لن يكتفي بأن يلعب في المؤثرات ... بل قد يستخدم قوته الفعليه و يدخل ممثلين اخرين الى الروايه ... بزي رسمي ... و قد يستخدم بدلا من المؤثرات الصوتيه ... رصاص و قنابل حقيقيه .....السؤال ... هنفضل نتفرج كتير.... و نقعد نشجع و نسقف للبطل بتاعنا بغض النظر عن اسمه في الروايه؟ مهما سقفنا و مهما هو حاول يغير دوره المكتوب عشان يعمل بطوله حقيقيه و يكسب المعركه المسرحيه ... المخرج_المنتج_صاحب المسرح في ايده كل حاجه ..... يبقى الحل مش اننا نتعب ايدينا بالتسقيف .... و صوتنا بالتشجيع ..... اخرج بره المسرحيه .... اطلع بره المسرح ..... شارك في الحقيقه ... الحقيقه بره الجدران اللي رجعت اتبنت حوالينا تاني و كل واحد رجع يحس بعجزه و قلة قيمته .... و يتفرض عليه انه يختار اجابات خاطئه لسؤال واحد ..... ما هو الحل ... الحل بره..... الحل استكمال الثوره .... و لا تقل لي كيف ...فان كنت لا تعرف .... فغيرك يعلمون ....